15 Батьясным локтісны Египетӧ, и сэні ми дыр кад олім. Египетсаяс нартитісны миянӧс да миянлысь батьяснымӧс.
Египетсаяс нартитісны да дзескӧдісны миянӧс, тшӧктісны миянлы вӧчны сьӧкыд уджъяс.
Израиль пиян [да налӧн батьясныс] олісны Египетын [да Ханаан муын] нёльсё комын во чӧж.
Босьтісны тшӧтш ыж-мӧснысӧ да эмбурсӧ, мый чукӧрмис налӧн Ханаанын. Тадзи Яков став аслас рӧдыскӧд локтіс Египетӧ.
Тадзи Яков вуджис Египетӧ, сэні сійӧ куліс, батьясным тшӧтш сэні кулісны.
Господь шуис Ӧврамлы: «Тӧд, тэсянь чужысьяс овмӧдчасны йӧз муӧ. Нёльсё во чӧж найӧ лоӧны сэні кесйӧг туйынӧсь да нартитӧм улынӧсь.
Сійӧ наяна пӧрйӧдліс миянлысь войтырнымӧс, дзескӧдіс батьяснымӧс, тшӧктіс налы эновтны ассьыныс пузчужӧм кагаяссӧ, медым найӧ ловйӧн эз кольны.
Этша на тэныд сійӧ, мый тэ петкӧдін миянӧс муысь, кӧні визувтӧ йӧв да ма, мед ми тані, овтӧминас, кулім? А ӧні кӧсъян нӧшта ыджыдавны миян вылын!
Египетын миянлы дон босьттӧг чери сетлісны, сэні ми сёйлім ӧгуреч, дыня, лук турун, лук да чеснӧк.
Фараонлӧн уджӧдысь-нартитысьяс нӧйтісны израильсаясӧс, кодъясӧс вӧлі пуктӧмаӧсь видзӧдны удж бӧрся. Уджӧдысь-нартитысьяс юасисны удж бӧрся видзӧдысьяслысь: «Мыйла кирпичсӧ воддза мындаыс ни тӧрыт, ни талун энӧ вӧчӧй?»
Аслас войтырлы фараон тшӧктіс: «Еврейяслысь став пузчужӧм пи кагасӧ шыблалӧй Нил юӧ, а нывъяссӧ ловйӧн кольӧй».
«Кор кутанныд отсавны еврей аньяслы чужтыны, видзӧдӧй, коді чужас. Чужас кӧ пи, виӧй сійӧс, а ныв кӧ, ловйӧн кольӧй».
Кадешсянь Мӧисей ыстіс ӧткымын мортӧс эдомса ӧксы дінӧ висьтавны: «Тадзи висьталӧ тэнад Израиль вокыд. Тэ тӧдан, мыйта сьӧкыдсӧ ковмис нуны миянлы.
Но кор ми шыасим Господь дінӧ, Сійӧ кыліс миянӧс да мӧдӧдіс анделсӧ, медым петкӧдны миянӧс Египетысь. Ӧні ми сулалам Кадеш карын, кысянь заводитчӧ тэнад муыд.
Ассьыс ныв-писӧ да налысь челядьсӧ – став ассьыс рӧдсӧ вайӧдіс аскӧдыс.
Сизимӧд луннас кагаыс куліс. Давидлӧн кесйӧгъяс полісны висьтавны сылы та йылысь. Найӧ сёрнитісны ас костаныс: «Кор кагаыс вӧлі ловъя на, сійӧ эз кӧсйы весиг кывзыны миянӧс. Кыдзи нӧ ми ӧні сылы висьталам, мый пиыс куліс? Мыйкӧ лёктор вӧчас аскӧдыс».