4 Сылӧн вӧлі сизимдас нёль сюрс квайтсё тышкаморт.
Тайӧ – Иуда чужанкотырлӧн рӧдъяс. Арталӧм-гижалӧм айуловлӧн лыдыс вӧлі сизимдас квайт сюрс витсё морт.
Иуда чужанкотырын вӧлі сизимдас нёль сюрс квайтсё морт.
Вежа чомсянь асыввылӧ аслас дӧрапас улӧ чомъяссӧ мед паськӧдас Иуда чужанкотыр аслас тышкайӧзнас. Иуда чужанкотырлӧн юралысьыс – Аминадавлӧн Наашон пиыс.
Иуда чужанкотыркӧд орччӧн чомъяссӧ мед паськӧдас Иссакар чужанкотыр. Налӧн юралысьыс – Цуарлӧн Нафанаил пиыс.
