Лыд 19:2 - Коми Библия 2023

² «Тайӧ тшӧктӧмыс Господьсянь. Висьтав Израиль пиянлы, мед вайӧдасны тэ дінӧ дзоньвидза гӧрд мӧскӧс, кодлӧн абу некутшӧм тырмытӧмтор да коді сийӧс улын эз на вӧвлы.

Лыд 19:2 Referans Kwoze

Индӧд 21:3

Кутшӧм кар лоӧ медматын, сэтчӧс карса юрнуӧдысьяс мед босьтасны том мӧскӧс, кодӧс эз на уджӧдлыны да эз на сийӧсавлыны.

1 Петыр 1:19

Тіянӧс ньӧбӧма Кристослӧн дона вир вылӧ, тыр-бур да сӧстӧм Балялӧн вир вылӧ.

Ӧксыяслӧн 1 небӧг 6:7

Сідзкӧ, вӧчӧй ӧти выль тарантас, босьтӧй медводдзаысь вайсьӧм кык мӧскӧс, кодъясӧс эз на сийӧсавлыны. Доддялӧй найӧс, а кукъяссӧ торйӧдӧй наысь да йӧртӧй.

Восьтӧм 1:5

да Исус Кристоссянь. Сійӧ – эскана Висьталысь, Сійӧ медводдзаӧн ловзис кулӧмысь да ыджыдалӧ мувывса ӧксыяс вылын. Сылы ми ёна мусаӧсь. Аслас вирӧн Сійӧ мыськаліс миянӧс мыжъясысь,

1 Петыр 2:22

– Мыжсӧ Сійӧ эз вӧчлы, Сійӧ некор эз пӧръясьлы.

Еврейяслы 9:10

Ӧд став тайӧ вайӧмторйыс вӧлі йитчӧма сӧмын вир-яйкӧд: сёян-юанкӧд да мыссьӧмкӧд. Татшӧм кесъялӧмсӧ Енмыс лӧсьӧдіс сӧмын кад кежлӧ, выль кесъяланногсӧ лӧсьӧдтӧдз.

Еврейяслы 7:26

Дзик татшӧм аркирей колӧ миянлы: вежа, сӧстӧм да мыжтӧм, кодӧс торйӧдӧма мыжа йӧзысь да кыпӧдӧма енэжсьыс вылӧджык на.

Лука 1:35

Андел вочавидзис: «Вежа Лов лэччас тэ вылӧ, Медвылыссалӧн выныс вевттяс тэнӧ. Та вӧсна тайӧ чужысьыс вежа, Сійӧс шуасны Ен Пиӧн.

Бӧрданкыв 1:14

Господь Аслас киӧн кыис менам мыжъясысь сийӧс, ӧшӧдіс сійӧс меным сьыліӧ, тадзи уськӧдіс менӧ эбӧсысь. Господь сетіс менӧ вӧрӧг киӧ, сы водзын ме ог вермы сулавны.

Исай 1:18

Локтӧй да сёрнитчам, – висьталӧ Господь. Тіян мыжъясныд кӧ пемыдгӧрд рӧмаӧсь, найӧ лоӧны лым кодь еджыдӧсь. Мыжъясныд кӧ чим гӧрд рӧмаӧсь, найӧ лоӧны еджыд вурун кодьӧсь.

Лыд 31:21

Элазар поп шуис тышӧ ветлысьяслы: «Тайӧ тшӧктӧмсӧ Господь сетіс Мӧисейлы.

Лыд 19:6

Сійӧ мед босьтас сус путор, иссоп турун, югыдгӧрд вурун шӧрт да шыбитас сотчысь мӧс вылӧ.

Левит 14:6

Ловъя лэбачсӧ, сус путорсӧ, югыдгӧрд шӧртсӧ да иссоп турунсӧ поп мед сюйлас начкӧм лэбачлӧн вирӧ.

Петӧм 12:5

Босьтны колӧ дзоньвидза арӧса баляӧс, сійӧ мед вӧлі межпи либӧ кӧзапи.

Лыд 19:1

Господь шуис Мӧисейлы да Ааронлы:

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

Левит 1:10

Сотан висьнас кӧ лоӧ ыж либӧ кӧза, вись вайысь мед ваяс дзоньвидза ай пемӧсӧс да [сылы юр вылас кисӧ пуктылӧм бӧрын]