Лыд 19:19 - Коми Библия 2023

¹⁹ Сӧстӧм морт мед коймӧд луннас да сизимӧд луннас резас пеж мортӧс, тадзи сизимӧд луннас сӧстӧммӧдас сійӧс. Сӧстӧммӧдӧм мортыс мед мыськалас ассьыс паськӧмсӧ, и ачыс мыссяс. Тайӧ рытсяньыс сійӧ лоӧ сӧстӧм.

Лыд 19:19 Referans Kwoze

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Лыд 19:12

Коймӧд луннас да сизимӧд луннас сылы колӧ сӧстӧммӧдчыны сӧстӧммӧдчан ванас, и сійӧ лоӧ сӧстӧм. Но оз кӧ сӧстӧммӧдчы коймӧд луннас да сизимӧд луннас, сійӧ оз ло сӧстӧм.

Левит 14:9

Сизимӧд луннас мед бара кушӧдз шырас юрсӧ, тошсӧ да синкымсӧ, тшӧтш став ловгӧнсӧ. Мед мыськалас паськӧмсӧ да ачыс тшӧтш мыссяс. Та бӧрын сійӧ лоӧ сӧстӧм.

Иуда 1:23

а мукӧдсӧ мездӧй би пытшкысь моз. Видзчысьӧмӧн янӧдӧй найӧс, зывӧктӧй весиг вир-яйсянь пежасьӧм паськӧмнысӧ.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Лыд 31:19

Асьныд ті сизим лун чӧж олӧй чомъяс сайын. Быдӧнлы, коді виис мортӧс либӧ инмӧдчыліс шой дінӧ, колӧ коймӧд луннас да сизимӧд луннас сӧстӧммӧдчыны. Тайӧ тшӧктӧмыс тіянлы и пленӧ босьтӧм йӧзныдлы.

Олӧм 2:2

Став Ассьыс уджсӧ помалӧм бӧрын Ен шойччис сизимӧд луннас.

Петӧм 19:10

Господь шуис сылы: «Мун войтырыд дінӧ, вежӧд найӧс талун да аски. Найӧ мед мыськаласны паськӧмнысӧ,

Лыд 19:13

Коді инмӧдчылас мортлӧн шойыс дінӧ да оз сӧстӧммӧдчы, сійӧ пежалӧ Господьлысь оланінсӧ. Тайӧ мортсӧ лоӧ бырӧдӧма Израиль войтыр пӧвстысь, ӧд сійӧс абу вӧлі резӧма сӧстӧммӧдчан ваӧн. Сійӧ пеж, пежасьӧмыс кольӧ сы вылӧ.

Лыд 19:18

Сӧстӧм морт мед босьтас иссоп турун, кӧтӧдас турунсӧ тайӧ ваас да резас чомсӧ, кӧні вӧлі кулӧм морт, сэтысь став эмбур-кӧлуйсӧ да став йӧзсӧ, кодъяс вӧліны чомйын. Тадзи жӧ мед резасны мортӧс, коді инмӧдчылас морт шойлӧн лыясӧ, кулӧм либӧ виӧм морт дінӧ либӧ шой дзебанінӧ.

Левит 14:7

Сэсся проказаысь сӧстӧммӧдчысь мортӧс поп мед сизимысь резас вирӧсь ванас да шуас сӧстӧмӧн, а ловъя лэбачсӧ лэдзас лэбавны.

Лыд 31:24

Сизимӧд луннас мыськалӧй паськӧмнытӧ, и лоанныд сӧстӧмӧсь, та бӧрын верманныд пырны чомъясӧ».