Лыд 19:13 - Коми Библия 2023

¹³ Коді инмӧдчылас мортлӧн шойыс дінӧ да оз сӧстӧммӧдчы, сійӧ пежалӧ Господьлысь оланінсӧ. Тайӧ мортсӧ лоӧ бырӧдӧма Израиль войтыр пӧвстысь, ӧд сійӧс абу вӧлі резӧма сӧстӧммӧдчан ваӧн. Сійӧ пеж, пежасьӧмыс кольӧ сы вылӧ.

Лыд 19:13 Referans Kwoze

Левит 15:31

Велӧдӧй Израиль войтырӧс видзчысьны пежысь, медым эз кувны Менсьым оланінӧс пежалӧм вӧсна».

Левит 22:3

Висьтав налы, мый быдӧнӧс, коді насянь чужысьяс пӧвстысь пежӧн матыстчас Израиль пиянлӧн вежа вайӧмторъяс дінӧ, лоӧ ӧтдортӧма Ме дінысь. Ме – Господь [тіян Енныд].

Левит 7:20

А коді пеж, но сёяс Господьлы вайӧм бурасян висьлысь яйсӧ, сійӧс лоӧ бырӧдӧма аслас войтыр пӧвстысь.

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Восьтӧм 22:11

Лёксӧ вӧчысь мед водзӧ вӧчас лёксӧ, пеж оласнога мед водзӧ на вӧчас пежсӧ, а веськыда олысь мед водзӧ вӧчас веськыда, вежа морт мед водзӧ на вежаммас.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.

Иоан 8:24

Ме шуи тіянлы: ті куланныд мыж пытшканыд. Онӧ кӧ эскӧй, мый Ме збыльысь Сійӧ, кодӧн шуа Ачымӧс, куланныд мыж пытшканыд».

Шусьӧгъяс 14:32

Лёк вӧчысь аслас лёклуныс вӧсна усьӧ, веськыда олысьлӧн весиг кулігас лачаыс лоӧ.

Лыд 19:20

Но пежасьӧм морт кӧ оз сӧстӧммӧдчы, сійӧс лоӧ бырӧдӧма войтыр пӧвстысь, ӧд сійӧ пежалӧ Господьлысь вежаинсӧ. Сійӧ пеж, ӧд сӧстӧммӧдчан ванас сійӧс абу вӧлі резӧма.

Лыд 19:18

Сӧстӧм морт мед босьтас иссоп турун, кӧтӧдас турунсӧ тайӧ ваас да резас чомсӧ, кӧні вӧлі кулӧм морт, сэтысь став эмбур-кӧлуйсӧ да став йӧзсӧ, кодъяс вӧліны чомйын. Тадзи жӧ мед резасны мортӧс, коді инмӧдчылас морт шойлӧн лыясӧ, кулӧм либӧ виӧм морт дінӧ либӧ шой дзебанінӧ.

Лыд 19:9

Но сӧстӧм морт мед чукӧртас сотӧм мӧслысь пӧимсӧ да нуас чомъяс сайӧ сӧстӧминӧ. Пӧимсӧ колӧ видзны, медым сы отсӧгӧн Израиль войтырлы позис вӧчны сӧстӧммӧдчан ва. Тайӧ мӧскыс – мыжысь вись.

Лыд 15:30

Вужвойтырысь либӧ йӧз муысь локтысьясысь кӧ кодкӧ тӧдӧмӧн мыж вӧчӧ, сійӧ омӧльтӧ Господьӧс. Сійӧс лоӧ бырӧдӧма аслас войтыр пӧвстысь,

Лыд 8:7

Рез найӧс сӧстӧммӧдчан ваӧн мыжысь сӧстӧммӧдӧм могысь. Найӧ мед шырасны юрсисӧ, тошсӧ, быдлаысь ловгӧнсӧ да мыськаласны паськӧмнысӧ. Та бӧрын найӧ лоӧны сӧстӧмӧсь.

Левит 20:3

Тайӧ мортыслы Ме паныд сувта, бырӧда сійӧс войтыр пӧвстысь сы понда, мый ассьыс кагасӧ Молок идоллы сетіс. Тайӧн сійӧ Менсьым вежаинӧс пежаліс да Менсьым вежа нимӧс янӧдіс.

Левит 5:17

Коді тӧдлытӧг мыж вӧчӧмнас торкас Господьлысь тшӧктӧмсӧ и вӧчас сійӧ, мый вӧчнысӧ оз позь, лоӧ мыжа, сылы колӧ кывкутны аслас мыж вӧсна.

Левит 5:6

Аслас мыжысь мед ваяс Господьлы мыж вештан вись пыдди ыжӧс либӧ энь кӧзаӧс. Поп мед вештас сылысь мыжсӧ.

Левит 5:3

Коді тӧдлытӧг инмӧдчылӧ мортлӧн пежыс дінӧ, мый вӧсна лоӧ пежӧн, и та йылысь тӧдмалӧ бӧрынджык, сійӧ лоӧ мыжа.

Еврейяслы 9:10

Ӧд став тайӧ вайӧмторйыс вӧлі йитчӧма сӧмын вир-яйкӧд: сёян-юанкӧд да мыссьӧмкӧд. Татшӧм кесъялӧмсӧ Енмыс лӧсьӧдіс сӧмын кад кежлӧ, выль кесъяланногсӧ лӧсьӧдтӧдз.

Левит 7:21

Коді инмӧдчылас мыйкӧ пеж дінӧ – мортлӧн пеж дінӧ, пеж пемӧс дінӧ либӧ пеж нюглясьысь дінӧ – и сёяс Господьлы вайӧм бурасян висьлысь яйсӧ, сійӧс лоӧ бырӧдӧма аслас войтыр пӧвстысь».

Лыд 19:14

Тайӧ индӧдыс сы йылысь, коді пыралӧ чомйӧ либӧ лоӧ чомйын, кӧні кулӧм морт. Сизим лун чӧж сійӧ лоӧ пеж.

Лыд 19:19

Сӧстӧм морт мед коймӧд луннас да сизимӧд луннас резас пеж мортӧс, тадзи сизимӧд луннас сӧстӧммӧдас сійӧс. Сӧстӧммӧдӧм мортыс мед мыськалас ассьыс паськӧмсӧ, и ачыс мыссяс. Тайӧ рытсяньыс сійӧ лоӧ сӧстӧм.

Езекиль 44:26

Сӧстӧммӧдчӧм бӧрас сійӧ мед нӧшта виччысьӧ сизим лун,

Петӧм 30:33

Коді вӧчас татшӧм выйсӧ либӧ мавтыштас бокысаӧс, сійӧс лоӧ бырӧдӧма аслас войтыр пӧвстысь».

Левит 22:4

Ааронсянь чужысьясысь кӧ кодкӧ висьӧ проказаӧн либӧ лёквиялӧмӧн, сылы оз позь сёйны вежа вайӧмторъяс, кытчӧдз оз ло сӧстӧм. Айлов, кодлӧн кӧйдысыс петас либӧ коді инмӧдчылас шойсянь пежасьӧмтор дінӧ,

Лыд 9:13

Коді сӧстӧм да абу [ылі] туйын, но Ыджыд лунсӧ оз пасйы да индӧм кадӧ оз вай Господьлы висьсӧ, сійӧс лоӧ бырӧдӧма аслас войтыр пӧвстысь. Сійӧ мыжа.