Лыд 19:11 - Коми Библия 2023

¹¹ Коді инмӧдчылас мортлӧн шойыс дінӧ, сійӧ сизим лун чӧж лоӧ пеж.

Лыд 19:11 Referans Kwoze

Лыд 5:2

«Израиль пиянлы тшӧкты вӧтлыны сувтанінысь быдӧнӧс, коді висьмӧ проказаӧн, кодлӧн вир-яяс эм лёквиялӧм либӧ коді шой дінӧ инмӧдчылӧм вӧсна лоӧ пеж.

Лыд 31:19

Асьныд ті сизим лун чӧж олӧй чомъяс сайын. Быдӧнлы, коді виис мортӧс либӧ инмӧдчыліс шой дінӧ, колӧ коймӧд луннас да сизимӧд луннас сӧстӧммӧдчыны. Тайӧ тшӧктӧмыс тіянлы и пленӧ босьтӧм йӧзныдлы.

Левит 21:1

Господь шуис Мӧисейлы: «Висьтав попъяслы, Аарон пиянлы, медым аслас рӧдвужысь кулӧм морт дінӧ инмӧдчӧмӧн эз пежавны асьнысӧ.

Лыд 19:16

Быдӧн, коді ывлаын инмӧдчылас шыпурт помысь кулӧм либӧ мӧд ногӧн кулӧм морт дінӧ, морт шойлӧн лыясӧ либӧ шой дзебанінӧ, сизим лун чӧж лоӧ пеж.

Лыд 9:10

«Висьтав Израиль пиянлы: коді тіян пӧвстысь либӧ тіянсянь чужысьясысь пежасяс шой дінӧ инмӧдчылӧм вӧсна либӧ коді лоас ылі туйын, сійӧ мед тшӧтш пасйӧ Господьлы сиӧм Ыджыд лун.

Лыд 9:6

Израиль войтыр пӧвстын вӧліны йӧз, кодъяс морт шой дінӧ инмӧдчылӧм вӧсна вӧліны пежӧсь и индӧм лунӧ эз вермыны пасйыны Ыджыд лунсӧ. Найӧ локтісны Мӧисей да Аарон дінӧ

Левит 21:11

Сылы оз позь матыстчыны кулӧм морт дінӧ, весиг кӧ тайӧ сылӧн батьыс либӧ мамыс – асьсӧ сылы пежавны оз позь.

Еврейяслы 9:14

сідзкӧ, кымын пӧв ёнджыка сӧстӧммӧдӧ Кристослӧн вирыс! Вежа Лов вынӧн Кристос вайис Асьсӧ Енлы сӧстӧм вись пыдди. Та вӧсна Сылӧн вирыс мыськалӧ миянлысь сьӧлӧмнымӧс кулӧмӧ вайӧдысь лёк вӧчӧмсьыным, медым ми вермим кесъявны збыль да ловъя Енлы.

Ефесӧ 2:1

Енмыс ловзьӧдіс тіянӧс, мыжъясныд да лёк вӧчӧмныд вӧсна кулӧмаясӧс.

2 Коринфӧ 6:17

Сідзкӧ: – Петӧй на пӧвстысь да ылыстчӧй наысь, – висьталӧ Господь. – Энӧ инмӧдчӧй пежас, сэки Ме сибӧда тіянӧс.

Римӧ 5:12

Ӧти морт пыр муюгыдас пырис мыжыс, мыжнас – кулӧмыс. Тадзи кулӧмыс вуджис быд морт вылӧ, ӧд ставныс мыжмисны.

Аггей 2:13

Аггей водзӧ юаліс: «А тайӧ сёяныс дінӧ кӧ инмӧдчылас морт, коді пежасис кулӧм морт дінӧ инмӧдчылӧм вӧсна, лоӧ-ӧ тайӧ сёяныс пеж?» Попъяс вочавидзисны: «Лоӧ».

Бӧрданкыв 4:14

Ӧні найӧ синтӧмъяс моз шӧйтӧны туй вывті, вирӧн пежасьӧмаӧсь, на дінӧ оз позь инмӧдчыны вирӧсь паськӧмныс вӧсна.

Левит 11:31

Найӧ тіянлы пежӧсь. Коді инмӧдчас налӧн шойӧ, сійӧ рытӧдзыс лоӧ пеж.

Ап. уджъяс 21:26

Сэки Павел босьтіс аскӧдыс тайӧ йӧзсӧ да мӧд луннас сӧстӧммӧдчис накӧд. Сэсся муніс крамӧ да висьталіс, кор помасясны налӧн сӧстӧммӧдчан лунъясыс да кор лоӧ вайӧма быдӧн вӧсна вись.

Ап. уджъяс 21:27

Сизимӧд луннас, сӧстӧммӧдчӧм помасигӧн, Асияысь воӧм иудейяс аддзисны Павелӧс крамысь. Найӧ шызьӧдісны став йӧзсӧ да Павелӧс босьтігӧн

Левит 5:2

Мортыс кӧ тӧдлытӧг инмӧдчылӧ мыйкӧ пеж дінӧ, пеж пемӧслӧн шой дінӧ, пеж ыж-мӧслӧн шой дінӧ либӧ пеж гаглӧн шой дінӧ, сійӧ лоӧ пеж да мыжа.

Лыд 6:6

Назореялан кад чӧжыс, мый кежлӧ сиис асьсӧ Господьлы, сылы оз позь матыстчыны шой дінӧ.

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Левит 22:4

Ааронсянь чужысьясысь кӧ кодкӧ висьӧ проказаӧн либӧ лёквиялӧмӧн, сылы оз позь сёйны вежа вайӧмторъяс, кытчӧдз оз ло сӧстӧм. Айлов, кодлӧн кӧйдысыс петас либӧ коді инмӧдчылас шойсянь пежасьӧмтор дінӧ,

Езекиль 39:12

Сизим тӧлысь чӧж Израиль войтырлы ковмас дзебны найӧс, медым сӧстӧммӧдны мусӧ.

Езекиль 44:26

Сӧстӧммӧдчӧм бӧрас сійӧ мед нӧшта виччысьӧ сизим лун,