Лыд 18:7 - Коми Библия 2023

⁷ А тэ да тэнад пияныд кесъялӧй попъясӧн висьпуктанін дорын да Вежаинын ӧшалысь дӧра сайын. Попъясӧн кесъялӧмыс – Месянь козин тіянлы. Но бокыса морт кӧ матыстчас вежа чом дорӧ, сійӧс лоӧ виӧма».

Лыд 18:7 Referans Kwoze

Иоан 3:27

Иоан вочавидзис: «Мортыс нинӧм оз вермы босьтны аслыс, оз кӧ ло сетӧма сылы енэжсянь.

Лыд 3:10

Ааронлы пияныскӧд тшӧкты [видзӧдны вежа чом бӧрся да] кесъявны попъясӧн. [Найӧ мед видзӧдасны ставыс бӧрся, мый эм висьпуктанін гӧгӧр да Вежаинын ӧшалысь дӧра сайын.] Но бокыса морт кӧ матыстчас вежа чом дорӧ, сійӧс лоӧ виӧма».

Лыд 18:20

Господь шуис Ааронлы: «Израиль муысь пайсӧ тэныд оз ло сетӧма. Ме – тэнад пайыс да тэнад юкӧныс.

Лыд 16:40

кыдзи Господь тшӧктіс Мӧисей пыр. Лямӧдӧм дозъясыс лоины Израиль пиянлы ӧлӧданпасӧн, медым Ааронсянь чужысьяс кындзи некод эз тшынӧд чӧскыд ӧвтанторъяс Господь водзын, и эз ло сідзи, кыдзи лои Корейкӧд да сылӧн йӧзыскӧд.

Еврейяслы 5:4

Морт оз вермы ачыс асьсӧ индыны аркирейӧн, тайӧс вермӧ вӧчны сӧмын Ен, коді тшӧтш Ааронӧс индіс аркирейӧн.

Ефесӧ 3:8

Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ

Ӧксыяслӧн 1 небӧг 2:28

Ме бӧрйи тэнсьыд рӧдтӧ став Израиль чужанкотырысь да пукті найӧс попъясӧн, медым найӧ кесъялісны Меным висьпуктанін дорын, тшынӧдісны чӧскыд ӧвтанторъяс да новлісны ефод Ме водзын. Ме тшӧкті, мед тэнад рӧдыд босьтас Израиль войтырлӧн сотӧм висьясысь юкӧн.

Лыд 3:38

Вежа чом водзӧ асыввылӧ сувтӧдісны чомъяссӧ Мӧисей да Аарон пияныскӧд, кодъяс Израиль пиян пыдди кывкутісны вежаин вӧсна. Вежа чом дорӧ матыстчысь бокыса мортӧс колӧ вӧлі вины.

Лыд 1:51

Левитъяс мед разясны вежа чомсӧ, кор сійӧс ковмас вуджӧдны. А Израиль войтырлӧн выль местаӧ локтӧм бӧрын левитъяс мед бара сувтӧдасны сійӧс. Бокыса морт кӧ матыстчас вежа чом дорӧ, сійӧс лоӧ виӧма.

Левит 16:2

Господь шуис Мӧисейлы: «Висьтав Аарон вокыдлы, мый сылы оз позь быд кадӧ пырны Вежаинын ӧшалысь дӧра сайӧ, Йитӧд куд водзӧ [мыж лэдзанін водзӧ], медым сійӧ эз кув. Ӧд Йитӧд куд вевт весьтас Ме кута петкӧдчыны кымӧр пытшкын.

Петӧм 29:9

Сэсся вӧньӧд Ааронӧс да сылысь пиянсӧ, юр выланыс пукты юрвевттьӧд. Аарон да сылӧн пияныс пыр кежлӧ лоӧны попъясӧн. Пукты найӧс кесъявны.

Матвей 10:8

Висьысьясӧс бурдӧдалӧй, кулӧмаясӧс ловзьӧдӧй, проказаысь сӧстӧммӧдӧй, пеж ловъясӧс вӧтлалӧй. Дон мынтытӧг босьтінныд, дон босьттӧг и сетӧй.

1 Петыр 5:2

видзӧй тіянлы сетӧм Енлысь йӧз чукӧрсӧ. Тӧждысьӧй на вӧсна нимкодьпырысь да Енлы шогмана ногӧн, энӧ мырдӧнпырысь. Вӧчӧй тайӧс сьӧлӧмсяньныд, а энӧ аслыныд мыйкӧ куралӧм могысь.

1 Петыр 5:3

Энӧ ыджыдалӧй Енлӧн йӧз чукӧр вылын, но асланыд оласногӧн петкӧдлӧй налы, кыдзи колӧ овны.

Петӧм 28:1

«Израиль пиян пӧвстысь кор ас дінад Аарон воктӧ пияныскӧд. Аарон да сылӧн Надав, Авиуд, Элазар да Итамар пияныс мед кесъяласны Меным попъясӧн.

Лыд 18:3

Левитъяс мед отсасясны тэныд да вӧчасны вежа чом бердын став уджсӧ. Но найӧ мед оз инмӧдчыны вежа дозмук-кӧлуйӧ да висьпуктанінӧ. Инмӧдчасны кӧ, куласны, и ті накӧд тшӧтш куланныд.

Индӧд 18:2

Левий чужанкотырлы вокъясыс пӧвстын мусӧ абу сетӧма. Налӧн пайыс – Господь, кыдзи Сійӧ кӧсйысис налы.

Нав Исус 18:7

Левитъяслы тіян пӧвстын муыс оз ло, ӧд налӧн пайыс – кесъявны Господьлы попъясӧн. Гад да Рувим чужанкотыръяс да Манассейлӧн джын чужанкотырыс босьтісны нин му Йӧрдан асыввылысь. Налы сійӧс сетіс Мӧисей, Господьлӧн кесйӧг».

Езекиль 44:8

Меным сиӧм вежаторъяс вӧсна онӧ асьныд тӧждысьӧй, а пуктанныд йӧз муысь локтысьясӧс кесъявны Менам вежаинын.

Езекиль 44:15

Левий чужанкотырысь сӧмын Садок рӧдысь попъяслы, кодъяс эз дугдывны кесъявны Менам вежаинын, кор Израиль пиян кежисны Меысь, позьӧ матыстчыны Ме дінӧ да кесъявны Меным. Найӧ пондасны сулавны Ме водзын да вайны Меным гос да вир, – висьталӧ Господь Ыджыдыс. –

Езекиль 44:16

Найӧ пондасны пырны Менам Вежаинӧ да матыстчыны Менам пызан дорӧ, медым кесъявны Меным.

Левит 7:35

Господьлы вайӧм висьлӧн тайӧ юкӧнъясыс вичмӧны Ааронлы да сысянь чужысьяслы сійӧ лунсяньыс, кор найӧс пуктасны попъясӧн кесъявны Господьлы.

Псалтыр 115:10

Господьлӧн крам йӧрын, Ерусалим кар шӧрын. Аллилуйя!