13 Быдӧн, коді матыстчас Господьлӧн вежа чом дорӧ, кулас. Ми ӧмӧй ставным кулам?»
Коркӧ ті вӧлінныд ылынӧсь Енсьыс, ӧні ті Исус Кристос пытшкынӧсь. Сылӧн вирыс матыстіс тіянӧс Ен дінас.
Тайӧс кылӧм бӧрын Ананий усис да сылӧн лолыс петіс. Та йылысь кывлысьясӧс ставнысӧ ыджыд полӧм босьтіс.
Сідзкӧ, дугдӧй лёкӧдны тайӧ юӧрсӧ, медым тіян кӧртӧдъясныд эз зэлавны ёнджыка на. Ӧд ме кывлі Ыджыдсянь, Господь Саваофсянь, мый тайӧ мусьыс ставсӧ лоӧ бырӧдӧма.
Мед кӧть сюрсъяс усясны тэ гӧгӧр, дас сюрсъяс куласны тэнад веськыдладорысь, но тэныд тайӧ оз инмы.
Водзынджык энӧ ті новлӧдлӧй кудсӧ, та вӧсна Господь, миян Енным, мыждіс миянӧс, ӧд ми эгӧ шогмана ногӧн шыасьлӧй Сы дінӧ».
Кор войтыр пӧвстысь став тышкайӧзыс кулісны,
Господь скӧрмис Израиль войтыр вылӧ да нелямын во чӧж нуӧдіс найӧс овтӧминті, кытчӧдз эз кувны ставныс, кодъяс вӧчисны Господь водзын шогмытӧмсӧ.
Войтырыслы Мӧисей шуис: «Вешйӧй тайӧ мыжа йӧзыслӧн чомъяс дорысь, налӧн эмбур-кӧлуй дінӧ энӧ инмӧдчӧй. Онӧ кӧ кывзысьӧй, налӧн мыжъяс вӧсна [накӧд ӧтвылысь] куланныд».
сӧмын сад шӧрын сулалысь пу йылысь Ен шуис: ”Энӧ сёйӧй сэтысь вотӧссӧ, весиг энӧ инмӧдчӧй сы дінӧ, медым энӧ кулӧй”».
Господь шуис Ааронлы: «Тэ, пияныд да батьыдлӧн рӧдыс нуанныд мыжсӧ, вежаин йылысь тшӧктӧмъяссӧ кӧ лоӧ торкӧма. А попъясӧн кесъялӧм йылысь тшӧктӧмъяссӧ кӧ лоӧ торкӧма, сэки мыжсӧ нуан тэ пияныдкӧд.
Пинес муніс тайӧ израильса морт бӧрсяыс, пырис сылӧн чомйӧ, сатшкис сійӧс да мадианса аньӧс кынӧмас. Та бӧрын Израиль пиянӧс бырӧдӧмыс лӧнис.
Сэсся гумла вылас вӧчис Господьлы висьпуктанін да сы вылын вайис сотан да бурасян висьяс. [Бӧрынджык Соломон ыдждӧдіс тайӧ висьпуктанінсӧ, ӧд сійӧ вӧлі ичӧт.] Господь кыліс войтырыслысь кевмӧмсӧ и вештіс кулӧм-бырӧдӧмсӧ Израиль вылысь.