Лыд 16:22 - Коми Библия 2023

²² Но Мӧисей да Аарон кымынь уськӧдчисны муас да шуисны: «Енмӧй, Тэ став ловъя олысьыслӧн Ен! Тэ ӧмӧй став войтырыс вылӧ скӧрман ӧти мортлӧн мыж вӧсна?»

Лыд 16:22 Referans Kwoze

Лыд 27:16

«Господьӧй, Тэ став ловъя олысьыслӧн Ен! Инды тайӧ войтырыслы веськӧдлысьӧс,

Закар 12:1

Водзвыв висьталӧм. Израиль йылысь Господьлӧн кыв. Господь, коді шевкнитіс енэжсӧ, пуктіс мулы подувсӧ да артмӧдіс морт пытшкын ловсӧ, висьталӧ:

Иов 12:10

кодлӧн киын став ловъя олысьлӧн олӧмыс, тшӧтш мортлӧн лолыс.

Еврейяслы 12:9

Мувывса батьяс миянӧс ставнымӧс чирыштлісны, но ми найӧс пыдди пуктім. Сідзкӧ, кымын пӧв ёнджыка на колӧ кывзысьны енэжвыв Батьлысь, медым овны.

Еклесиаст 12:7

Муысь вӧчӧм вир-яйыд бӧр бергӧдчас муӧ, а лолыд бӧр мунас Ен дінӧ, коді сетіс сійӧс.

Римӧ 5:18

Ӧтилӧн мыж вӧчӧм вӧсна кӧ мыждӧма став мувывса йӧзсӧ, тадзи ӧтилӧн веськыда вӧчӧм вӧсна став йӧзсӧ шуӧма веськыдӧн да сетӧма налы олӧм.

Исай 57:16

Ме ог кут помтӧг мыждыны, ог кут пыр скӧравны, ӧд тадзи кӧ кута вӧчны, сэки Ме водзын дзикӧдз нюкыртчас мортлӧн лолыс, нюкыртчас Меӧн вӧчӧм ловъя олысь.

Ӧксыяслӧн 2 небӧг 24:17

Кор Давид аддзис войтырӧс бырӧдысь анделӧс, шыасис Господь дінӧ: «Ме мыжаыс. Ме [ыж видзысь] вӧчи та ыджда лёкторсӧ, а тайӧ ыжъясыс абу мыжаӧсь. Мыжды менӧ да менсьым рӧдӧс!»

Лыд 16:45

«Вешйӧй тайӧ войтырыс дінысь! Найӧс ставнысӧ Ме бырӧда ӧти здукӧн». Но Мӧисей да Аарон кымынь уськӧдчисны муас.

Лыд 14:5

Мӧисей да Аарон кымынь уськӧдчисны муӧ став Израиль войтыр водзӧ.

Олӧм 18:32

Ӧвраам шуис: «Эн дӧзмы, Господьӧй, мый ме нӧшта ӧтчыдысь юала. Гашкӧ, сюрас сэні сӧмын дас морт?» Господь шуис: «Ог бырӧд, сюрас кӧ дасыс».

1 Коринфӧ 13:7

Муслуныс ставсӧ вевттьӧ, быд кадӧ эскӧ да лача кутӧ, ставсӧ венӧ.

Ӧксыяслӧн 2 небӧг 24:1

Господь бара чорыда скӧрмис израильсаяс вылӧ. Медым ыззьӧдны Давидӧс налы паныд Сійӧ шуис: «Мун да артав Израиль да Иуда войтырлысь лыдсӧ».

Лыд 16:4

Тайӧс кылӧм бӧрын Мӧисей кымынь уськӧдчис муас.

Левит 4:3

Мавтыштӧм поп кӧ мыж вӧчас, и сылӧн мыж вӧчӧмысь лоӧ мыжа став войтырыс, сэки сійӧ ас вӧснаыс мед ваяс Господьлы мыжысь вись пыдди дзоньвидза ӧшкӧс.

Левит 10:6

Ааронлы, сылӧн Элазар да Итамар пиянлы Мӧисей шуис: «Паськӧмнытӧ энӧ косялӧй, юрнытӧ вевттьӧй, медым ті энӧ кулӧй, и став войтырыс мед эз веськав Енлӧн скӧрлун улӧ. Но тіян вокъясныд, став Израиль войтыр, мед бӧрдасны на вӧсна, кодъясӧс Господь сотіс.

Лыд 16:23

Господь шуис Мӧисейлы:

Нав Исус 22:18

Талун ті бергӧдчинныд Господьысь да кыпӧдчинныд Сылы паныд, а аски Господь скӧрмас став Израиль войтыр вылӧ.

Еремей 32:27

«Ме – Господь, став ловъя олысьыслӧн Ен. Эм-ӧ мыйкӧ Меным вермытӧмыс?

Еремей 38:16

Седекей ӧксы гусьӧн кыв сетіс Еремейлы: «Ловъя Господь водзын, коді сетіс миянлы олӧм, ме кыв сета, мый ог лэдз тэнӧ вины, ог сет тэнӧ налы, кодъяс кӧсйӧны босьтны тэнсьыд олӧмтӧ».

Езекиль 18:4

Став йӧзыс Менам киын. Батьыслӧн и пиыслӧн олӧмыс – Менам киын. Коді мыжсӧ вӧчис, сійӧ и кулас.