Лыд 15:30 - Коми Библия 2023

³⁰ Вужвойтырысь либӧ йӧз муысь локтысьясысь кӧ кодкӧ тӧдӧмӧн мыж вӧчӧ, сійӧ омӧльтӧ Господьӧс. Сійӧс лоӧ бырӧдӧма аслас войтыр пӧвстысь,

Лыд 15:30 Referans Kwoze

Еврейяслы 10:26

Ми кӧ тӧдам збыльсӧ, но тӧдӧмӧн мыж вӧчам, сэки некутшӧм вись оз вешты миянлысь мыжнымӧс.

Индӧд 1:43

Ме висьталі тайӧс тіянлы, но ті энӧ кывзысьӧй, а пыксинныд Господьлӧн тшӧктӧмлы. Ті асныралінныд да мӧдӧдчинныд кайны керӧсвыв муӧ,

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.

Матвей 12:32

Коді лёкӧдас Морт Пиӧс, сійӧс лоӧ прӧститӧма. Но коді лёкӧдас Вежа Лолӧс, сійӧс оз ло прӧститӧма тайӧ олӧмас, весиг локтанаас».

2 Петыр 2:10

Торъя нин тайӧ инмӧ вир-яйлӧн лёк кӧсйӧмнас пежасьӧмаяслы да Енлысь Юралӧмсӧ мустӧмтысьяслы. Найӧ яндысьтӧмӧсь, асныраӧсь да оз повны лёкӧдны енэжвывса юралысь-веськӧдлысьясӧс.

Псалтыр 79:12

Сылӧн петасъясыс нюжӧдчисны саридз дорӧдз, паськалісны ю дорӧдз.

Лыд 9:13

Коді сӧстӧм да абу [ылі] туйын, но Ыджыд лунсӧ оз пасйы да индӧм кадӧ оз вай Господьлы висьсӧ, сійӧс лоӧ бырӧдӧма аслас войтыр пӧвстысь. Сійӧ мыжа.

Петӧм 21:14

Но тӧдӧмӧн кӧ виис ассьыс матыссасӧ [да пышйис висьпуктанін дорӧ], весиг Менам висьпуктанін дорысь колӧ босьтны сійӧс да вины.

Шусьӧгъяс 14:31

Коді дзескӧдӧ коньӧрӧс – омӧльтӧ сійӧс Вӧчысьӧс, коді бурӧ пуктӧ Енсӧ – отсалӧ гӧльяслы.

Левит 20:10

Узяс кӧ кодкӧ мӧдлӧн гӧтыркӧд, найӧ кыкнанныс гозъякост олӧм пежалӧны. Найӧс колӧ вины.

Левит 20:6

Коді шыасяс кулӧмаӧс корысь либӧ туналысь дінӧ да кырсалысь ань моз мунас на бӧрся, сылы Ме паныд сувта да бырӧда сійӧс войтыр пӧвстысь.

Левит 20:3

Тайӧ мортыслы Ме паныд сувта, бырӧда сійӧс войтыр пӧвстысь сы понда, мый ассьыс кагасӧ Молок идоллы сетіс. Тайӧн сійӧ Менсьым вежаинӧс пежаліс да Менсьым вежа нимӧс янӧдіс.

Олӧм 17:14

Кодлысь [кӧкъямысӧд лунӧ] оз ло вундыштӧма чильган йывсьыс кучикторсӧ, сійӧс мед лоӧ ӧтдортӧма аслас войтыр пӧвстысь, ӧд сійӧ торкӧ Менсьым йитӧдӧс, мый Ме кӧрталі тіянкӧд».

1 Иоан 5:16

Кор аддзан, мый вокыд мыжӧ усьӧма, но мыжыс оз вайӧд кулӧмӧ, кевмысь сы вӧсна. Ен сетас сылы олӧм, дерт, мыжыс кӧ оз кулӧмӧ вайӧд. Эм кулӧмӧ вайӧдысь мыж, но ме ог кор кевмысьны татшӧм мыжсӧ вӧчысь вӧсна.

Лыд 15:29

Ӧти Индӧд быдӧнлы, коді тӧдлытӧг мыж вӧчӧ, Израиль войтырысь-ӧ сійӧ либӧ йӧз муысь локтысь.

Индӧд 32:27

но вӧрӧглӧн лёкӧдӧм вӧсна ог вӧч тайӧс, медым мустӧмтысь ылӧдлӧмӧн эз шу: «Миян киным ён. Эз Господь тайӧс вӧч».

Ӧксыяслӧн 1 небӧг 2:25

Морт кӧ мыжмас морт водзын, сэки сы вӧсна верман кевмысьны Енлы. А мыжмас кӧ Господь водзын, сэки коді лоӧ сылы дорйысьнас?» Но пияныс эз кывзыны батьсӧ, ӧд Господьлӧн вӧлі шуӧма нин бырӧдны найӧс.

Иов 38:15

лёк вӧчысьяслысь югыдсӧ босьтіс, налысь ыршасян кияссӧ чегъяліс?

Езекиль 20:27

Морт пиӧй, шу Израиль войтырлы, мый Господь Ыджыдыс тадзи висьталӧ: тіян батьясныд водзӧ мыж вӧчисны Меным паныд да омӧльтісны Менӧ.

Петӧм 30:33

Коді вӧчас татшӧм выйсӧ либӧ мавтыштас бокысаӧс, сійӧс лоӧ бырӧдӧма аслас войтыр пӧвстысь».

Ӧксыяслӧн 1 небӧг 3:14

Та вӧсна Ме кыв сетӧмӧн шуа Илий рӧдлы, мый висьяс да вайӧмторъяс некор оз вештыны Илий рӧдлысь мыжсӧ».