Лыд 15:15 - Коми Библия 2023

¹⁵ Тіянлы, Господьлӧн войтырлы, да йӧз муысь локтысьяслы тшӧктӧмыс ӧти нэмъяс кежлӧ чужысьяссянь чужысьясӧдз. Господь водзын ті да йӧз муысь локтысьяс – ӧткодьӧсь.

Лыд 15:15 Referans Kwoze

Лыд 15:29

Ӧти Индӧд быдӧнлы, коді тӧдлытӧг мыж вӧчӧ, Израиль войтырысь-ӧ сійӧ либӧ йӧз муысь локтысь.

Лыд 9:14

Овмӧдчас кӧ тіян ордӧ йӧз муысь локтысь, сылы тшӧтш колӧ пасйыны Господьлы сиӧм Ыджыд лун, кыдзи тшӧктӧма-индӧма Ыджыд лун йылысь. Вужвойтырлы да йӧз муысь локтысьяслы тшӧктӧмыс ӧти».

Петӧм 12:49

Вужвойтырлы да йӧз муысь локтысьяслы индӧдыс ӧти».

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

Ӧксыяслӧн 1 небӧг 30:25

Тайӧ кадсяньыс и ӧнӧдз Израильын тайӧ тшӧктӧмыс вына.

Лыд 10:8

Трубаясӧ мед тутсасны попъяс, Ааронлӧн пияныс. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Левит 24:22

Ӧткодя мыждӧй мортӧс, вужвойтырысь-ӧ сійӧ либӧ йӧз муысь локтысь. Ме – Господь, тіян Енныд».

Петӧм 12:43

Господь шуис Мӧисейлы да Ааронлы: «Ыджыдлунся баля йылысь тшӧктӧмыс татшӧм. Оз позь сёйны сійӧс йӧз муысь локтысьяслы.

Петӧм 12:24

Тайӧ тшӧктӧмыс мед лоӧ тіянлы да тіян пиянлы нэмъяс кежлӧ.

Петӧм 12:14

Тайӧ луныс Господьлы сиӧм гаж. Казьтылӧмӧн пасйӧй сійӧс. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Колосӧ 3:11

Грек-ӧ тэ либӧ иудей, вундыштчӧмыд-ӧ либӧ абу вундыштчӧмыд, варвар-ӧ либӧ скиф, кесйӧг-ӧ либӧ мездлуна морт – торъялӧмыс абу. Ставыс да ставас Кристос.

Лыд 18:8

Господь шуис Ааронлы: «Ме пукта тэнӧ кывкутны Меным вайӧмторъяс вӧсна. Став вежа вайӧмторсьыс, мый Израиль пиян вайӧны Меным, Ме сета тэныд да тэнад пиянлы пай. Тайӧ тшӧктӧмыс нэмъяс кежлӧ.

Лыд 15:14

А йӧз муысь локтысь кӧ кӧсъяс вайны висьсӧ, сылы ставсӧ колӧ вӧчны тіян моз.

Петӧм 28:43

Аарон да сылӧн пияныс мед новласны тайӧ паськӧмсӧ вежа чомйӧ пыригӧн либӧ висьпуктанін дорӧ матыстчигӧн, медым вежаинын кесъялігӧн найӧ эз кыскыны ас выланыс мыж да эз кувны. Ааронлы да сысянь чужысьяслы тайӧ тшӧктӧмыс лоӧ пыр кежлӧ».

Нав Исус 8:33

Став Израиль войтыр да йӧз муысь локтысьяс, войтырлӧн юрнуӧдысьяс, веськӧдлысьяс да ёрдысьяс сувтісны Господьлӧн Йитӧд куд кыкнанладорас, а на водзын сулалісны Левий чужанкотырысь куд новлӧдлысь попъяс. Войтырлӧн ӧтар джынйыс видзӧдіс Гаризим керӧслань, а мӧд джынйыс видзӧдіс Эвал керӧслань. Тадзи Мӧисей, Господьлӧн кесйӧг, коркӧ тшӧктіс бурсины Израиль войтырӧс.

Эсфир 9:27

иудейяс тшӧктісны, мый быд во индӧм кадӧ налы, налӧн ныв-пилы да накӧд ӧтувтчысь йӧзлы гижӧд серти колӧ пасйыны тайӧ кык лунсӧ.