Лыд 11:16 - Коми Библия 2023

¹⁶ Господь шуис Мӧисейлы: «Чукӧрт Ме дінӧ израильса юрнуӧдысьяс пӧвстысь сизимдас мортӧс, кодъяс йылысь тэ тӧдан, мый найӧ бура видзӧдӧны войтыр бӧрся. Вайӧд найӧс вежа чом дорӧ.

Лыд 11:16 Referans Kwoze

Петӧм 24:1

Господь шуис Мӧисейлы: «Кай Ме дінӧ. Тэкӧд тшӧтш мед локтасны Аарон, Надав, Авиуд да Израильлӧн сизимдаснан юрнуӧдысьыс. Ылысянь копыртчылӧй.

Петӧм 24:9

Сэсся Мӧисей да Аарон, Надав да Авиуд Израильлӧн сизимдас юрнуӧдыськӧд кайисны керӧсӧ.

Индӧд 16:18

«Быд карын, мый Господь, тіян Енныд, сетас тіянлы, индӧй чужанкотыръяслы ёрдысьясӧс да веськӧдлысьясӧс. Найӧ мед веськыда мыждасны войтырӧс.

Индӧд 1:15

Ме чукӧрті тіян чужанкотыръясысь мывкыд да [сюсь] вежӧра йӧзӧс и пукті найӧс веськӧдлыны сюрс мортӧн, сё мортӧн, ветымын мортӧн да дас мортӧн. Быд чужанкотырӧ нӧшта пукті кывкутысь йӧзӧс.

Олӧм 46:27

Египетын Ӧсиплӧн чужис кык пи. Тадзи Яков рӧдысь сизимдас [вит] морт овмӧдчисны Египетӧ.

Лука 10:17

Сизимдас велӧдчысь бӧр воисны нимкодясигтыр да шуисны: «Господьӧй, Тэнад нимӧн тшӧктігӧн весиг пеж ловъяс кывзысьӧны миянлысь».

Лука 10:1

Та бӧрын Господь бӧрйис нӧшта сизимдас велӧдчысьӧс, сэсся кыкӧн-кыкӧн мӧдӧдіс найӧс кар-сиктъясӧ, кытчӧ кӧсйис Ачыс мунны.

Езекиль 8:11

Израиль войтырлӧн сизимдас юрнуӧдысьыс сулалісны серпасъяс водзас. Шафанлӧн Язаний пиыс тшӧтш вӧлі юрнуӧдысьяс пӧвстас. Быдӧн киас кутіс ассьыс тшынӧдчан дозсӧ, и сэтысь чӧскыд дука тшын кымӧрӧн кыптіс вывлань.

Петӧм 4:29

Египетӧ локтӧм бӧрын Мӧисей да Аарон чукӧртісны Израиль войтырлысь юрнуӧдысьясӧс.

Индӧд 31:28

Чукӧртӧй ме дінӧ чужанкотыръяслысь юрнуӧдысьясӧс [ёрдысьясӧс] да веськӧдлысьясӧс. Енэжыс да муыс водзын ме висьтала налы тайӧ кывъяссӧ.

Петӧм 18:25

Мӧисей бӧрйис Израиль войтыр пӧвстысь тӧлка йӧзӧс да пуктіс найӧс веськӧдлыны сюрс мортӧн, сё мортӧн, ветымын мортӧн да дас мортӧн. [Пуктіс тшӧтш гижӧдӧ велӧдысьясӧс.]

Лыд 11:24

Мӧисей петіс войтырыс дінӧ да висьталіс Господьлысь кывъяссӧ. Войтырлӧн юрнуӧдысьяс пӧвстысь чукӧртіс сизимдас мортӧс да тшӧктіс налы сувтны вежа чом гӧгӧр.

Еремей 19:1

Господь тадзи висьталіс: «Мун да гырнич вӧчысьлысь ньӧб сёй гырнич. Аскӧдыд босьт войтырлӧн юрнуӧдысьяс пӧвстысь некымынӧс да попъяс пӧвстысь некымын юрнуӧдысьӧс.

Лыд 16:25

Мӧисей муніс Датан да Авирам дінӧ, сы бӧрся мунісны тшӧтш израильса юрнуӧдысьяс.