Лыд 11:1 - Коми Библия 2023

¹ Войтырыс кутіс ропкыны. Господь кыліс тайӧс да ёна скӧрмис. Сувтанін помын ыпнитіс Господьлӧн би, биыс кутіс бырӧдны сувтанінсӧ.

Лыд 11:1 Referans Kwoze

Лыд 21:5

Найӧ ропкисны Ен вылӧ да Мӧисей вылӧ, шуасисны: «Мыйла ті петкӧдінныд миянӧс Египетысь, медым овтӧминас ми кулім? Нянь ни ва тані абу! Миянлы мустӧммис тайӧ шогмытӧм сёяныс!»

Ӧксыяслӧн 4 небӧг 1:12

Илля вочавидзис: «Ме кӧ Енлӧн морт, мед лэччас енэжсяньыс би да сотас тэнӧ да тэнсьыд ветымын тышкаморттӧ». Сэки енэжсяньыс лэччис Енлӧн би да сотіс тышкакотырӧн веськӧдлысьӧс да сылысь йӧзсӧ.

Лыд 16:35

Господьсянь петіс би да сотіс тайӧ кыксё ветымын айуловсӧ, кодъяс вайисны тшынӧдчантор.

Индӧд 9:22

Тшӧтш Тавераын, Массаын да Киврот-Хаттааваын ті скӧрмӧдінныд Господьӧс [ассьыныд Ентӧ].

Левит 10:2

Сэки петіс Господьсянь би да сотіс найӧс, и найӧ кулісны Господь чужӧмбан водзын.

Петӧм 16:9

Мӧисей шуис Ааронлы: «Висьтав Израиль войтырлы, мед найӧ сувтасны Господь водзӧ, ӧд Господь кыліс налысь ропкӧмсӧ».

Иуда 1:16

Тайӧ йӧзыс век шуасьӧны да элясьӧны. Найӧ олӧны асланыс лёк кӧсйӧмныс серти да Индӧд торкалӧмӧн. Найӧ тшапа сёрнитӧны да ошкӧны мукӧдсӧ, медым аслыныс мыйкӧ курыштны.

1 Коринфӧ 10:10

Энӧ шуасьӧй, кыдзи шуасисны кодсюрӧ миян батьяс пӧвстысь. Сэсся Андел-Бырӧдысь виис найӧс.

Исай 30:33

Ассурлы важӧн нин дасьтӧма сотанін, сотӧмыс виччысьӧ тшӧтш ӧксыӧс. Джуджыд да паськыд гуын дасьтӧма уна пес, ыджыд бипур. Ыпнитысь тэгйӧс моз Господьлӧн ловшыыс ӧзтас бипурсӧ.

Псалтыр 106:18

Найӧ зывӧктісны сёяннысӧ, воисны куланвыйӧдз.

Иов 1:16

Сылӧн сёрнитігӧн локтіс мӧд юӧртысь да шуис: «Енлӧн би лэччис енэжсянь, сотіс ыж-кӧзатӧ да кесйӧгъястӧ. Сӧмын ме ловйӧн коли, медым юӧртны тэныд».

Ӧксыяслӧн 2 небӧг 11:27

Бӧрдан лунъяс помасьӧм бӧрын Давид тшӧктіс вайӧдны сійӧс аслас керкаӧ. Давид босьтіс сійӧс гӧтырӧ, и мӧдыс чужтіс сылы пиӧс. Давидлӧн татшӧмтор вӧчӧмыс вӧлі Господь водзын зэв ыджыд лёкторйӧн.

Индӧд 32:22

Менам скӧрлунысь ӧзйис би, пыдӧстӧминӧдз сійӧ сотӧ ставсӧ. Мусӧ ньылыштӧ став быдтас-вотӧснас, керӧсъяс чишкалӧ подулӧдзыс.

Петӧм 16:7

а асывнас ті аддзанныд Господьлысь дзирдлунсӧ. Ӧд Господь кыліс, кыдзи ті ропканныд Сы вылӧ. А ми нӧ кодъяс? Миян вылӧ мый ропканныд?»

Исай 33:14

Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»

Лыд 10:33

Господьлӧн керӧс дорысь мӧдӧдчӧм бӧрын Израиль войтыр мунісны куим лун чӧж. Господьлысь Йитӧд кудсӧ найӧ нуисны водзвыланыс, медым сійӧ петкӧдлас шойччанін.

Олӧм 38:10

Господьлӧн син водзын тайӧ вӧлі лёк вӧчӧмӧн, и та вӧсна Онан куліс. Господь бырӧдіс сійӧс.

Яков 5:4

Со, кылӧ тіян му вылын уджалысьяслӧн горзӧмыс, ӧд ті энӧ мынтысьӧй налы. Налӧн горзӧмыс воис Господь Саваофлӧн пельӧдзыс.

Еврейяслы 12:29

ӧд миян Енным – ставсӧ сотысь би.

Наум 1:5

Сы водзын дзӧрӧны керӧсъяс, тіралӧны мылькъяс. Муыс тіралӧ Сы водзын, дзӧрӧны муюгыдыс да став сэні олысьыс.

Бӧрданкыв 3:39

Мыйла нӧ, сідзкӧ, элясьӧ ловъя мортыс? Сійӧ ӧд сьӧкыдалӧ аслас мыж вӧсна.

Индӧд 25:18

Найӧ эз повны Енмысь. Ті вӧлінныд мудзӧмаӧсь да вынтӧмӧсь, но тіянӧс паныдалігӧн найӧ уськӧдчисны тіян вылӧ бӧрсяньныд да виалісны бӧрӧ кольччӧмаясӧс.

Лыд 11:18

Войтырыдлы тшӧкты вежӧдны-сӧстӧммӧдны асьнысӧ аски кежлӧ, ӧд аски кутанныд сёйны яй. Ті Господь водзын бӧрдінныд-шуалінныд: ”Яй кӧ эськӧ сёйыштны. Египетын миянлы вӧлі бурджык”. Та вӧсна Господь сетас тіянлы яй, и ті сёянныд.

Лыд 14:2

Став Израиль войтырыс шуасис Мӧисей да Аарон вылӧ: «Бурджык, ми кӧ кулім Египетын! Бурджык, ми кӧ кулам тайӧ овтӧминас!

Лыд 14:22

мый найӧ, кодъяс аддзылісны Менсьым дзирдлунӧс да Менсьым шензьӧданаторъясӧс, мый Ме вӧчи Египетын да овтӧминын, но эз кывзысьны Менсьым да дасӧдысь нин дӧзмӧдісны Менӧ,

Лыд 14:27

«Дыр-ӧ на лёкнас тырӧм тайӧ войтырыс кутас шуасьны Ме вылӧ? Ме кыла Израиль пиянлысь Ме вылӧ ропкӧмсӧ.

Лыд 14:28

Висьтав налы: Ме кыв сетӧмӧн кӧсйыся Аслам олӧмӧн, – висьталӧ Господь, – мый Ме вӧча тіянлы сійӧс, мый йылысь ті сёрнитінныд.

Лыд 16:11

Тэ аслад йӧзкӧд кыпӧдчин Господьлы паныд. Ті ӧд онӧ Аарон вылӧ, а Господь вылӧ ропканныд».

Лыд 17:5

Кодӧс Ме бӧръя, сылӧн беддьыс кутас дзоридзавны. Ме вӧча тадзи, медым тіян вылӧ ропкысь Израиль пиян тупкисны вомнысӧ».

Исай 10:17

Сійӧ Ачыс, Израильлӧн Югыдыс, лоӧ биӧн, Израильлӧн вежа Енмыс лоӧ ыпъялысь биӧн, Сійӧ сотас йӧнсӧ да ёг турунсӧ, ӧти лунӧн бырӧдас Ассурӧс.

Езекиль 20:36

Кыдзи Ме мыжді батьяснытӧ египетса овтӧминын, тадзи тшӧтш тіянӧс мыжда, – висьталӧ Господь Ыджыдыс. –

Аввакум 3:5

Сы водзвылын мунӧ пӧрӧс висьӧм, бӧрсяньыс локтӧ кулӧм.

Лыд 12:2

Найӧ шуисны: «Господь ӧмӧй сӧмын Мӧисейкӧд сёрнитӧ, а миянкӧд оз?» Налысь сёрнисӧ кыліс Господь.