Лука 9:39 - Коми Библия 2023

³⁹ Пеж лов топӧдлӧ сійӧс. Сэки сійӧ лёкысь горзӧ, чашйысьӧ, да вомсьыс быг петӧ. Ёна песӧм бӧрын пеж лов вӧлисти эновтӧ сійӧс.

Лука 9:39 Referans Kwoze

Лука 8:29

Тадзи шуаліс, ӧд Исус тшӧктіс пеж ловлы петны морт пытшкысь. Пеж лов унаысь песлӧдлывлӧма тайӧ мортсӧ. Сійӧс кӧртавлісны чепъясӧн да видзисны дорӧмӧн, но сійӧ орйӧдлывліс кӧртӧдъяссӧ. Сэки пеж лов нуӧдлывліс сійӧс овтӧминӧ.

Лука 4:35

Исус ӧлӧдіс пеж лолӧс: «Ланьт! Пет сы пытшкысь». Пеж лов шыбитіс мортсӧ синагога джодж шӧрӧ, сэсся сійӧс дойдавтӧг петіс сы пытшкысь.

Марк 9:26

Пеж лов горӧдіс, песовтіс зонкасӧ да петіс сы пытшкысь. Зонка куйліс шой кодь, унаӧн весиг шуисны, мый сійӧ куліс.

Марк 9:20

Сійӧс вайӧдісны Исус дінӧ. Исусӧс аддзӧм бӧрын пеж лов дзик пыр кутіс песлӧдлыны зонкасӧ. Сійӧ усис муас, пондіс туплясьны, вомсьыс кутіс быг петны.

Восьтӧм 9:11

Налӧн ӧксынас вӧлі пыдӧстӧминысь андел. Сылӧн нимыс еврей ногӧн лоӧ Авадон, а грек ногӧн – Аполион.

1 Петыр 5:8

Олӧй садь вежӧрӧн да пыр лоӧй дасьӧсь. Ӧд тіянлы паныд сувтысь омӧльыс ветлӧ равзысь лев моз да корсьысьӧ, кодӧс эськӧ ньылыштны.

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

Марк 9:18

Кор пеж лов топӧдӧ сійӧс, шыбитӧ муас. Сэки пиӧй пиньсӧ йирӧ, сійӧс йӧрсӧналӧ, да вомсьыс быг петӧ. Ме кори Тэнсьыд велӧдчысьястӧ вӧтлыны пеж ловсӧ, но найӧ эз вермыны».

Лука 9:38

Йӧз пӧвстысь ӧти горӧдіс: «Велӧдысьӧй, кора Тэнӧ, видзӧдлы менсьым пиӧс! Сійӧ менам ӧтка пи.

Лука 9:40

Ме кори Тэнсьыд велӧдчысьястӧ вӧтлыны пеж ловсӧ, но найӧ эз вермыны».