Лука 8:50 - Коми Библия 2023

⁵⁰ Исус кыліс тайӧс да шуис Яирлы: «Эн пов, сӧмын эскы, и нылыд ловъя лоас».

Лука 8:50 Referans Kwoze

Иоан 11:40

Исус шуис Марпалы: «Эг ӧмӧй тэныд шулы, мый эскан кӧ, аддзан Енлысь дзирдлунсӧ?»

Иоан 11:25

Исус шуис: «Ме эм Ловзьӧдысьыс да Олӧмыс. Меным эскысь весиг кулӧм бӧрас кутас овны.

Марк 5:36

Исус кыліс тайӧс да шуис синагогаса юралысьлы: «Эн пов, сӧмын эскы».

Лука 8:48

Исус шуис аньлы: «Нылӧй, эскӧмыд мездіс тэнӧ. Мун повтӧг».

Римӧ 4:17

Гижӧма: «Ме пукті тэнӧ войтыръяслы батьӧн». Сійӧ Ен водзын миянлы бать. Ӧвраам эскис Енлы, кулӧмаӧс Ловзьӧдысьлы да вӧвлытӧмторсӧ олӧмӧ Пӧртысьлы.

Марк 9:23

Исус шуис сылы: «Эскан кӧ, эскысьлы ставыс вермана».

Исай 50:10

Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.

Римӧ 4:20

Ӧвраам эз вошты эскӧмсӧ, но падъявтӧг эскис Енлӧн кӧсйысьӧмӧ да ошкис Енмӧс. Эскӧмыс ёнмӧдіс сійӧс.

Лука 8:51

Яир керка дорӧ воӧм бӧрын Исус босьтіс Аскӧдыс Петырӧс, Иоанӧс, Яковӧс да нывкалысь бать-мамсӧ, мукӧдсӧ эз лэдз пырнысӧ.