Лука 8:24 - Коми Библия 2023

²⁴ Велӧдчысьяс садьмӧдісны Исусӧс шуалӧмӧн: «Велӧдысь, Велӧдысь! Вӧям!» Исус чеччис, ӧлӧдіс тӧвсӧ да гызьӧм васӧ. Ставыс ланьтіс, пуксис чӧв-лӧнь.

Лука 8:24 Referans Kwoze

Лука 4:39

Ань дінӧ матыстчӧмӧн Исус ӧлӧдіс биа висьӧмсӧ, и биа висьӧмыс эновтіс аньӧс. Сійӧ дзик пыр чеччис да пондіс кесъявны налы.

Лука 5:5

Симон воча шуис: «Велӧдысьӧй, ми войбыд мырсим, весиг ӧти чери эз шед, но Тэнад тшӧктӧм серти чӧвта».

Наум 1:4

Сійӧ тшӧктӧ, и саридзыс косьмӧ, юяс косьмӧны, Васан ыб да Кармил керӧс вылысь быдмӧгъяс нярмӧны, нярмӧны ливанса дзоридзьяс.

Псалтыр 65:7

Аслас вынӧн Сійӧ ыджыдалӧ помтӧг, Сылӧн синмыс видзӧдӧ войтыръяс бӧрся, медым найӧ эз кыпӧдчыны Сылы паныд.

Матвей 14:30

Ыджыд тӧвнырысь Петырӧс полӧм босьтіс. Сійӧ пондіс вӧйны да горзыны: «Господьӧй, мезды менӧ!»

Еремей 5:22

Ті ӧмӧй онӧ полӧй Меысь, – висьталӧ Господь, – ті ӧмӧй онӧ тіралӧй Ме водзын? Лыасӧ Ме пукті саридзлы вежтасӧн, потши саридзсӧ нэмъяс кежлӧ, сы сайӧ саридз оз вермы вуджнысӧ. Гыясыс ӧдӧбӧн уськӧдчылӧны, но сэсся бӧр бергӧдчӧны, найӧ ызгӧны, но вежтассӧ вуджны оз вермыны.

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Матвей 8:25

Велӧдчысьяс садьмӧдісны Сійӧс шуалӧмӧн: «Господьӧй, мезды миянӧс! Вӧям!»

Марк 4:39

Исус чеччис, ӧлӧдіс тӧвсӧ да тшӧктіс ваыслы: «Лӧнь, ланьт!» Тӧлыс ланьтіс, и вӧвлытӧм чӧв-лӧнь пуксис.

Лука 4:35

Исус ӧлӧдіс пеж лолӧс: «Ланьт! Пет сы пытшкысь». Пеж лов шыбитіс мортсӧ синагога джодж шӧрӧ, сэсся сійӧс дойдавтӧг петіс сы пытшкысь.

Лука 8:25

Исус шуис велӧдчысьясыслы: «Кӧні тіян эскӧмныд?» Найӧ полӧмӧн-шензьӧмӧн ӧта-мӧдныслысь пондісны юасьны: «Коді Сійӧ? Весиг тӧлыс да ваыс кывзысьӧны Сылысь».