Лука 8:13 - Коми Библия 2023

¹³ Изъяинӧ усьӧм кӧйдысыс петкӧдлӧ: мортыс кылӧ Енлысь кывсӧ да долыдпырысь босьтӧ сійӧс сьӧлӧмас, но вужъясьтӧмысла оз дыр эскы, ыштӧдӧмъяс дырйи сійӧ кежӧ эскӧмсьыс.

Лука 8:13 Referans Kwoze

Иоан 5:35

Иоан вӧлі яръюгыда ӧзъялысь би, сӧмын этша кад ті кӧсйинныд нимкодясьны сылӧн югӧр улын.

Осий 6:4

– Мый Меным вӧчны тэкӧд, Ефрем, мый Меным вӧчны тэкӧд, Иуда? Ме дінӧ тіян муслунныд асъя ру кодь, ӧдйӧ бырысь лысва кодь.

Езекиль 33:32

Налы тэ – муслун йылысь сьыланкывъяс мичаа сьылысь-ворсысь кодь. Найӧ кывзӧны тэнсьыд кывъястӧ, но на серти оз овны.

Шусьӧгъяс 12:12

Мыж вӧчысь кӧсйӧ лёкыслӧн тывйӧ кыскыны, но веськыда олысь зумыд вужъя.

Иуда 1:12

Кор ті мусапырысь чукӧртчанныд ӧтвыв сёйны, татшӧм йӧзыс яндысьтӧг тшӧгӧдӧны асьнысӧ да лоӧны тіянлы крукӧдӧн. Найӧ – тӧвнырӧн новлӧдлан ватӧм кымӧръяс, вотӧс вайтӧм арся пуяс, вужнас нетшыштӧмаяс, кык пӧв кулӧмаяс.

2 Петыр 2:22

Татшӧмъясыслы бура лӧсялӧны тайӧ шусьӧгъясыс: «Понйыд бергӧдчӧ аслас вос дорӧ» и «Мыськӧм порсь бӧр мунӧ туплясьны няйтӧ».

2 Петыр 2:20

Мездысь Исус Кристос Господьнымӧс тӧдмалӧм бӧрын кӧ мувывса пежсьыс ылыстчысьяс бара бергӧдчӧны важас, да лёкыс кӧ вермӧ найӧс, сэки татшӧмъясыслы воддза дорсьыс ёна лёкджык лоӧ.

Еврейяслы 10:39

Но ми абу на пӧвстысь, коді Енсьыс кежӧ да кулӧ. Ми на пӧвстысь, коді эскӧ да босьтӧ мездмӧмсӧ.

Ефесӧ 3:17

да эскӧм пыр Кристос овмӧдчас тіян сьӧлӧмӧ.

Исай 58:2

Найӧ быттьӧ веськыда олысь войтыр, коді оз вунӧдлы аслас Енлысь тшӧктӧмъяссӧ, быд лун корсьысьӧ Менӧ, кӧсйӧ тӧдны Менсьым туйясӧс. Найӧ виччысьӧны Месянь веськыда мыждӧм, кӧсйӧны матыстчыны Ен дінӧ.

Яков 2:26

Кыдзи вир-яйыд ловтӧгыс кулӧма, тадзи эскӧмыд уджъястӧгыс тшӧтш кулӧма.

1 Тимофейлы 1:19

Видз эскӧмтӧ да ов сідзи, мед сьӧлӧмыд эз мыжды тэнӧ. Ӧд кодсюрӧ вунӧдісны тайӧс, и налӧн эскӧмыс пасьмуніс.

1 Фессалоникаӧ 3:5

Та вӧсна ме эг нин вермы виччысьнысӧ, а мӧдӧді тіян дінӧ Тимофейӧс, медым тӧдмавны тіян эскӧмныд йылысь, эз-ӧ ылӧдлы тіянӧс омӧльыс, эз-ӧ ло весьшӧрӧ миян уджным.

Колосӧ 2:7

Быдмӧй-сӧвмӧй Сы пытшкӧ вужъясьӧмӧн, ёнмӧй эскӧмас, кыдзи тіянӧс велӧдӧма. Сьӧлӧмныд мед век вӧлі тыр аттьӧалӧмнас.

Галатӧ 3:4

Весьшӧрӧ ӧмӧй сы мында сьӧкыдсӧ ті нуинныд? Дерт, энӧ весьшӧрӧ.

Галатӧ 3:1

Ті, галатса эскысьяс, дзикӧдз вежӧртӧ воштӧмныд! Коді тіянлысь синнытӧ пӧртіс, мый энӧ кывзысьӧй збыльыслысь? Ӧд тіян син водзын, позьӧ шуны, вӧлі тувъялӧма Исус Кристосӧс.

1 Коринфӧ 15:2

Тайӧ Евангелльӧыс пыр ті мездманныд, кутанныд кӧ зумыда кутчысьны менам висьтавлӧмӧ. Онӧ кӧ, тіян эскӧмныд весьшӧрӧ.

Иоан 15:6

Коді оз ло Ме пытшкын, увйӧс моз сійӧс шыбитасны ортсӧ, кӧні сійӧ косьмас. А косьмӧм увъястӧ чукӧртӧны да шыбитӧны биӧ.

Иоан 15:2

Вотӧс вайтӧм увъяссӧ Сійӧ кералӧ, а вотӧс вайысь увсӧ Сійӧ весалӧ, медым вайис унджык вотӧс на.

Шусьӧгъяс 12:3

Лёк вӧчӧмнад мортыд асьсӧ оз вынсьӧд, но веськыда олысьлӧн вужйыс зумыд.

Иов 19:28

Ті шуанныд, кутам пӧ дзескӧдны Иовӧс, и аддзам сы пытшкысь мыж.

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

1 Коринфӧ 13:2

Ме кӧ пророкала да тӧда став гусяторсӧ, менам кӧ эм быдпӧлӧс тӧдӧмлун да зумыд эскӧм, верма весиг керӧсъяс вештавны, а муслуныс кӧ ме пытшкын абу, сідзкӧ, ме нинӧм.

Марк 6:20

Ирӧд поліс Иоанысь, ӧд тӧдіс, мый Иоан веськыда олысь да вежа морт. Ирӧд дорйис Иоанӧс, унатор вӧчис сылысь кывзысьӧмӧн да окотапырысь кывзіс сійӧс.

1 Иоан 2:19

Найӧ петісны миян пӧвстысь, но найӧ эз вӧвны миянкӧд ӧтув. Вӧліны кӧ миянкӧд ӧтув, кольччисны эськӧ миянкӧд. Но налӧн петӧмыс висьталӧ, мый найӧ абу миянкӧд.

Лука 8:12

Туй бокӧ усьӧм кӧйдысыс петкӧдлӧ: мортыс кылӧ Енлысь кывсӧ, но сэсся локтӧ омӧльыс да гусялӧ сьӧлӧмсьыс кывсӧ, медым мортыс эз эскы да эз мездмы.

Лука 8:14

Лежнӧг пӧвстӧ усьӧм кӧйдысыс петкӧдлӧ: мортыс кылӧ Енлысь кывсӧ, но быдлунъя тӧждыс, озырлуныс да лышкыда олӧмыс пӧдтӧ кӧдзӧм кывсӧ, и сійӧ оз вай вотӧссӧ.