Лука 6:8 - Коми Библия 2023

⁸ Налысь мӧвпъяссӧ тӧдӧмӧн Исус шуис косьмӧм киа мортлы: «Чеччы да пет шӧрас». Сійӧ чеччис да воськовтіс водзлань.

Лука 6:8 Referans Kwoze

Восьтӧм 2:23

Езавельлӧн челядьлы Ме мӧдӧда кулӧм. Сэки быд вичко кутас тӧдны, мый Ме эм сьӧлӧм пытшкӧс да мӧвпъяс Тӧдысь, Ме мынтыся тіянлы уджъясныд серти.

Матвей 9:4

Налысь мӧвпъяссӧ тӧдӧмӧн Исус шуис: «Мыйла сьӧлӧманыд лэдзанныд лёк мӧвпъяссӧ?

1 Петыр 4:1

Кристос вир-яйнас нуис сьӧкыдсӧ миян вӧсна. Сідзкӧ, ті тшӧтш лоӧй дасьӧсь нуны сьӧкыдсӧ, медым коляс кадсӧ тайӧ му вылас олінныд Ен кӧсйӧм серти, энӧ нин асланыд лёк кӧсйӧм серти. Ӧд вир-яйнас сьӧкыдалысь ылыстчӧ мыж вӧчӧмысь.

Еврейяслы 4:13

Енсьыс некод оз дзебсьы, Сылы ставыс восьса, ставыс тыдалана. Сылы ставсьыс сетам вочакыв.

Филипӧ 1:28

Энӧ полӧй тіянлы паныд сувтысьясысь, ӧд тіян повтӧмлунныд – налы пас кулӧм вылӧ, а тіянлы – мездмӧм вылӧ. Ставыс тайӧ Енсянь.

Ап. уджъяс 26:26

Та йылысь бура тӧдӧ ачыс ӧксы, та вӧсна ме восьсӧн сёрнита сы водзын. Эска, тайӧ сылы абу гусятор, ӧд ставыс тайӧ эз гусьӧн вӧчсьы, кӧнкӧ пемыд пельӧсын.

Ап. уджъяс 20:24

Ме нинӧм вылӧ ог видзӧд, олӧмӧй меным абу дона. Сӧмын кӧсъя долыд сьӧлӧмӧн помӧдз мунны лӧсьӧдӧм туйӧдыс да помавны кесъялӧмӧс, мый Господь Исус сетіс меным – висьтавны Енлӧн буралӧм йылысь Евангелльӧсӧ.

Иоан 21:17

Сэсся коймӧдысь юаліс: «Симон, Ионалӧн пи, муса-ӧ Ме тэныд?» Петыр шогӧ усис, мый Исус коймӧдысь юаліс, муса-ӧ Сійӧ, да вочавидзис: «Господьӧй, Тэ ставсӧ тӧдан. Тэ тӧдан, мый Тэ меным муса». Исус шуис сылы: «Йирсьӧд Менсьым ыжъясӧс.

Иоан 9:4

Ӧні, лунъюгыднас, Меным колӧ вӧчны Менӧ Мӧдӧдысьлысь уджъяссӧ. Пуксяс вой, сэки некод оз вермы уджавны.

Иоан 2:25

Сылы эз ковны йӧз йылысь висьталысьяс, ӧд Сійӧ тӧдіс быд мортлысь сьӧлӧмсӧ.

Лука 5:22

Налысь мӧвпъяссӧ тӧдӧмӧн Исус шуис: «Мыйла ті мӧвпаланныд тадзи?

Исай 42:4

Сійӧ оз лигышмун, оз жебмы, Сійӧ вынсьӧдас му вылын веськыда мыждӧм. Сылысь велӧдӧмсӧ виччысьӧны саридз дорын олысьяс.

Иов 42:2

– Ме тӧда, мый Тэ ставсӧ верман, Тэнӧ некод оз вермы кутны Аслад шуӧм серти вӧчӧмысь.

1 Каднебӧг 29:17

Енмӧй, ме тӧда, мый Тэ тӧдмалан мортлысь сьӧлӧмсӧ. Тэныд мусаӧсь сӧстӧм сьӧлӧмаяс. Став тайӧ сетӧмторсӧ ме вайи сӧстӧм сьӧлӧмсянь. Ме аддза, мый татчӧ чукӧртчӧм Тэнад войтырыд нимкодьпырысь вайӧны Тэныд сетӧмторъяс.

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

Лука 6:9

Исус шуис: «Вочавидзӧй, мый позьӧ вӧчны шойччан лунӧ: бурсӧ али лёксӧ, мездыны мортӧс али вины сійӧс?» Найӧ чӧв олісны.

Марк 3:3

Исус тшӧктіс косьмӧм киа мортлы: «Сувт шӧрас».

Лука 13:12

Исус аддзис аньӧс, корис сійӧс да шуис: «Аньӧй, тэ мездмин висьӧмсьыд».