Лука 6:47 - Коми Библия 2023

⁴⁷ Висьтала тіянлы, кутшӧм сійӧ мортыс, коді локтӧ Ме дінӧ, кылӧ Менсьым кывъясӧс да олӧ на серти.

Лука 6:47 Referans Kwoze

Лука 11:28

Исус шуис: «Шудаӧсь Енлысь кывсӧ кылысьяс да Ен кыв серти олысьяс!»

Иоан 14:15

«Ме кӧ муса тіянлы, олӧй Менам тшӧктӧмъяс серти.

Яков 4:17

Сідзкӧ, коді тӧдӧ, мый колӧ бурсӧ вӧчны, но оз вӧч, сійӧ мыжмӧ.

Матвей 12:50

Енэжвыв Батьлӧн кӧсйӧм серти олысь – Меным вок, чой да мам».

Иоан 13:17

Тайӧс кӧ тӧданныд да та серти оланныд, ті шудаӧсь.

1 Петыр 2:4

Сійӧ эм ловъя из, Енмыслы зэв дона. Йӧзыс Сійӧс ӧтдортісны, но Енмыс бӧрйис Сійӧс. Локтӧй Сы дінӧ

Еврейяслы 5:9

Сійӧ помӧдз вайӧдіс Енлысь мӧвпыштӧмсӧ да пыр кежлӧ лои мездмӧмсӧ Сетысьӧн быдӧнлы, коді кывзысьӧ Сылысь.

Восьтӧм 22:14

Шудаӧсь найӧ, кодъяс олӧны Енлӧн тшӧктӧм серти, ӧд Енмыс сетас налы пӧткӧдчыны Олӧмыслӧн пуысь да пырны тайӧ карас дзиръяӧдыс.

Лука 14:26

«Ме дінӧ локтысьлы кӧ бать-мамыс, гӧтырыс, ныв-пиыс, чой-вокыс да аслас олӧмыс Ме дорысь мусаджык, сійӧ оз вермы лоны Менам велӧдчысьӧн.

1 Иоан 3:7

Челядь, энӧ сетӧй ылӧдны тіянӧс некодлы. Веськыда вӧчысь Кристос кодь веськыд.

1 Иоан 2:29

Ті кӧ тӧданныд, мый Сійӧ веськыд, тӧдӧй: веськыда вӧчысь Сысянь чужӧма.

Иоан 10:27

Менам ыжъясӧй кылӧны Менсьым гӧлӧс шыӧс. Ме тӧда найӧс, и найӧ локтӧны Ме бӧрся.

2 Петыр 1:10

Вокъяс, тіянӧс корӧма-бӧрйӧма, сідзкӧ, тӧждысьӧй, мед тайӧ лунысь-лун зумыдмас тіян пытшкын. Тадзи вӧчиганыд некор онӧ крукасьӧй.

Иоан 6:37

Быдӧн, кодӧс сетӧ Меным Бать, локтас Ме дінӧ. Ме дінӧ локтысьӧс ог вӧтлы.

Иоан 6:35

Исус шуис: «Ме эм олӧмыслӧн нянь. Ме дінӧ локтысь некор оз кут тшыгъявны, Меным эскысьлӧн горшыс некор оз кут косьмыны.

Иоан 5:40

Но ті онӧ кӧсйӧй локны Ме дінӧ, медым тіянлы вичмис олӧм.

Лука 8:13

Изъяинӧ усьӧм кӧйдысыс петкӧдлӧ: мортыс кылӧ Енлысь кывсӧ да долыдпырысь босьтӧ сійӧс сьӧлӧмас, но вужъясьтӧмысла оз дыр эскы, ыштӧдӧмъяс дырйи сійӧ кежӧ эскӧмсьыс.

Лука 8:8

Мукӧд кӧйдысыс усяс бур муӧ, быдмас да ваяс тусьсӧ сё пӧвстӧн». Тайӧс висьталӧм бӧрын Исус горӧдӧмӧн шуис: «Кодлӧн эм пель, мед кылӧ!»

Матвей 17:5

Петырлӧн сёрнитігкості югыд кымӧр вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн. Сійӧс кывзӧй».

Исай 55:3

Локтӧй Ме дінӧ, сюся кывзӧй Менӧ! Кывзӧй Менӧ, и ті кутанныд овны! Давид дінӧ вежсьывлытӧм буралӧмӧй вӧсна Ме кӧртала тіянкӧд пыр кежлӧ йитӧд.

Иоан 8:52

Иудейяс шуисны Исуслы: «Ӧні ми тӧдам, мый Тэ пытшкын пеж лов. Ӧвраам куліс, пророкъяс кулісны, а Тэ шуан, Менам кывъяс серти олысь пӧ некор оз кув.

Лука 6:48

Сійӧ керка лэптысь кодь, коді джуджыда кодйысяс да пуктас керка подувсӧ из вылӧ. Ытва дырйи ойдӧм ваыс оз вермы вӧрзьӧдны тайӧ керкасӧ, сійӧс ӧд из вылӧ лэптӧма.