Лука 6:45 - Коми Библия 2023

⁴⁵ Бур морт аслас бур сьӧлӧмысь бурсӧ петкӧдӧ, лёк морт аслас лёк сьӧлӧмысь лёксӧ петкӧдӧ. Ӧд мыйӧн тырӧма мортыслӧн сьӧлӧмыс, сійӧ вомсьыс и петӧ».

Лука 6:45 Referans Kwoze

Шусьӧгъяс 4:23

Ставсьыс медъёна видз ассьыд сьӧлӧмтӧ, ӧд сьӧлӧмыд – олӧмыслӧн визувтанін.

Ефесӧ 4:29

Некутшӧм пеж кыв мед оз пет тіян вомысь, а сӧмын бурыс, ӧд тайӧ ёнмӧдӧ йӧзыслысь эскӧмсӧ да вайӧ налы нимкодьлун.

Иоан 7:38

Коді эскӧ Меным, сылӧн пытшкӧссьыс визувтасны ловъя валӧн юяс. Тадзи висьталӧ Гижӧдыс».

Колосӧ 3:16

Кристослӧн кывйыс мед озыра овмӧдчас тіян пытшкӧ. Мывкыда велӧдӧй-туйдӧдӧй ӧта-мӧднытӧ. Господьӧс аттьӧалӧмӧн сьӧлӧмсяньныд сьылӧй псаломъяс, ошкана сьыланкывъяс да бурсьылӧмъяс.

Псалтыр 59:12

Он-ӧ Тэ, Енмӧй? Но Тэ, Енмӧй, эновтін миянӧс, миян тышкайӧзкӧд ӧтвыв эн пет тышӧ.

Колосӧ 4:6

Сёрнитӧй бур сьӧлӧмӧн, сёрниныд мед век вӧлі солыштӧма, сэки быдӧнлы кужанныд вочавидзны колана ногӧн.

Шусьӧгъяс 12:18

Думышттӧг шуӧмыд шыпурт моз сатшкӧ, а мывкыд мортлӧн сёрниыс бурдӧдӧ.

Еврейяслы 8:10

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Ефесӧ 5:19

Сьылӧй ӧтвылысь псаломъяс, ошкана сьыланкывъяс да бурсьылӧмъяс. Сьылӧй Господьлы да ошкӧй Сійӧс став сьӧлӧмсяньныд.

Шусьӧгъяс 15:23

Нимкодь, вочавидзнытӧ кӧ верман, бур, ас кадӧ кӧ кывтӧ шуны кужан!

Псалтыр 140:5

Веськыда олысь мед чирыштас менӧ – тайӧ лоӧ меным бур вылӧ. Сійӧ мед янӧдас менӧ, ӧд тайӧ мавтыштан вый менам юрлы. Ме ог паныд сувт, дугдывтӧг кевмыся, медым мыжаяс эз вӧчны лёксӧ.

Псалтыр 59:7

Мезды Ассьыд мусаястӧ, дорйы найӧс Аслад веськыд кинад, вочавидз меным!

Ап. уджъяс 5:3

Петыр шуис сылы: «Ананий, мыйла тэ лэдзин сӧтанаыслы ыджыдавны сьӧлӧмад? Вузалӧм муыдлысь донсӧ дзебӧмнад тэ пӧръялін Вежа Лолӧс.

Иуда 1:15

медым мыждыны став йӧзсӧ. Сійӧ мыждӧ Ентӧг олысьясӧс налӧн лёк уджъясысь да янӧдӧ мыж вӧчысьясӧс, кодъяс шуасисны Господь вылӧ лёкӧдан кывъясӧн».

Ефесӧ 3:8

Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ