Лука 5:5 - Коми Библия 2023

⁵ Симон воча шуис: «Велӧдысьӧй, ми войбыд мырсим, весиг ӧти чери эз шед, но Тэнад тшӧктӧм серти чӧвта».

Лука 5:5 Referans Kwoze

Иоан 2:5

Сэки мамыс шуис кесйӧгъяслы: «Ставсӧ вӧчӧй Сылӧн шуӧм серти».

Иоан 15:14

Оланныд кӧ Менам тшӧктӧм серти, ті – Менам ёртъяс.

Иоан 21:3

Симон-Петыр шуис: «Ме муна чери кыйны». Сылы шуисны: «Ми тшӧтш тэкӧд мунам». Найӧ дзик пыр пуксисны пыжӧ да петісны ва вылӧ. Сійӧ войнас налы нинӧм эз шед.

Лука 8:24

Велӧдчысьяс садьмӧдісны Исусӧс шуалӧмӧн: «Велӧдысь, Велӧдысь! Вӧям!» Исус чеччис, ӧлӧдіс тӧвсӧ да гызьӧм васӧ. Ставыс ланьтіс, пуксис чӧв-лӧнь.

Лука 17:13

найӧ горзісны: «Исус, Велӧдысь, ло бур сьӧлӧма миян дінӧ!»

Лука 9:33

Кор тайӧ кык мортыс кутісны ылыстчыны Исусысь, Петыр шуис Исуслы: «Велӧдысьӧй, миянлы тані лӧсьыд, сувтӧдам куим чом: Тэныд, Мӧисейлы да Иллялы». Петыр ачыс эз гӧгӧрво, мый висьталіс.

Лука 9:49

Сэки Иоан шуис: «Велӧдысьӧй, ми аддзылім мортӧс, сійӧ Тэнад нимӧн пеж ловъясӧс вӧтлалӧ. Ми ӧлӧдім сійӧс, ӧд сійӧ абу миян пӧвстысь».

Езекиль 47:10

Саридз дорын кутасны сулавны чери кыйысьяс. Эн-Гедисянь Эн-Эглаимӧдз найӧ кутасны тӧлӧдны тывъяссӧ. Ыджыд саридзын моз сэні кутас овны быдсикас чериыс, и сійӧ лоӧ зэв уна.

Лука 8:45

Исус юаліс: «Коді инмӧдчыліс Ме дінӧ?» Ставӧн соссисны. Петыр да мукӧдыс шуисны: «Велӧдысь, йӧзыс быдласянь топӧдӧны Тэнӧ, а Тэ юасян, коді инмӧдчыліс Тэ дінӧ».