Лука 5:35 - Коми Библия 2023

³⁵ Воасны на сійӧ лунъясыс, кор колясны верӧспутӧг, сэки и видзаласны».

Лука 5:35 Referans Kwoze

Лука 17:22

Исус шуис велӧдчысьясыслы: «Воас кад, кор ті кӧсъянныд аддзывны Морт Пилӧн лунъясысь ӧтиӧс, но онӧ аддзылӧй.

2 Коринфӧ 11:27

Ме сьӧкыда уджавлі, кок йылысь усьтӧдз, тшӧкыда коллявлі узьтӧм войяс, овлі сёйтӧг-ютӧг, унаысь видзавлі да пасьтӧг кынмавлі.

1 Коринфӧ 7:5

Энӧ ылыстчӧй ӧта-мӧдсьыныд, а ылыстчанныд кӧ, вӧчӧй тайӧс сёрнитчӧмӧн, сӧмын кутшӧмкӧ кад кежлӧ, медым сэки ёнджыка на верминныд видзавны да кевмысьны. Сэсся бӧр ӧтлаын лоӧй, медым сӧтана эз ыштӧд тіянӧс кутчысьтӧм вӧснаныд.

Ап. уджъяс 14:23

Быд вичкоын ки пуктылӧм пыр найӧ индісны юрнуӧдысьясӧс. Сэсся кевмысьӧм да видзалӧм бӧрын сетісны эскысьясӧс Господь киӧ, кодлы найӧ и эскисны.

Ап. уджъяс 3:21

Енмыс босьтіс Сійӧс енэжас, и Сійӧ лоӧ сэні, кытчӧдз ставсӧ оз ло лӧсьӧдӧма воддза мозыс. Та йылысь важысянь Енмыс висьтавліс Аслас вежа пророкъяс пыр.

Ап. уджъяс 1:9

Тайӧс висьталӧм бӧрын налӧн син водзын Исус кыпӧдчис енэжӧ. Кымӧрыс кыпӧдіс Сійӧс налӧн син водзсьыныс.

Иоан 16:28

Ме локті муюгыдас Бать дінсянь. Ӧні Ме коля муюгыдсӧ да бӧр муна Бать дінӧ».

Иоан 13:33

Челядь, Меным этша нин колис овны тіянкӧд, сэсся кутанныд корсьны Менӧ. Ӧні висьтала тіянлы сійӧ, мый коркӧ висьтавлі иудейяслы: кытчӧ Ме муна, сэтчӧ ті онӧ вермӧй локнысӧ.

Иоан 12:8

Гӧльяс пыр лоасны тіянкӧд, а Ме ог пыр ло».

Закар 13:7

– Ырыштчы, шыпуртӧй, Менам видзысь вылӧ, Аслам медматысса вылӧ, – висьталӧ Господь Саваоф. – Кувмӧн дойд видзысьсӧ, и ыжъясыс разаласны. Ичӧт баляяс вылӧ Ме лэпта Ассьым киӧс.

Даниил 9:26

Квайтымын кыкысь сизим во мысти Мавтыштӧмаӧс лоӧ виӧма, и Сыкӧд некод оз коль. А карсӧ да вежаинсӧ бырӧдас локтана юралысьлӧн войтырыс. Тайӧ юралысьлӧн помыс лоӧ ва ойдӧм кодь, и тыш помӧдзыс лоӧ пазӧдӧм-бырӧдӧм.

Исай 22:12

Сійӧ лунӧ Ыджыдыс, Господь Саваоф, чуксаліс тіянӧс бӧрдны да шогсьыны, шырны юрсинытӧ да пасьтасьны шогалан паськӧмӧ.

Матвей 9:15

Исус вочавидзис: «Вермӧны-ӧ шогавны кӧлысь вылын ёртъяс, кор верӧспуыс накӧд? Воасны на сійӧ лунъясыс, кор колясны верӧспутӧг, сэки и видзаласны.

Марк 2:20

Воасны на сійӧ лунъясыс, кор колясны верӧспутӧг, сэки и видзаласны.

Лука 5:34

Исус вочавидзис: «Верманныд-ӧ кӧлысь вылын верӧспукӧд гажӧдчысь ёртъяслы тшӧктыны видзавны?

Лука 5:36

Исус висьталіс налы велӧданвисьт: «Важ паськӧмтӧ оз дӧмны выль паськӧмысь вундӧм дӧмасӧн. Тадзи кӧ вӧчан, выльсӧ тшыкӧдан, и важас выль дӧмасыс оз туй.