Лука 5:34 - Коми Библия 2023

³⁴ Исус вочавидзис: «Верманныд-ӧ кӧлысь вылын верӧспукӧд гажӧдчысь ёртъяслы тшӧктыны видзавны?

Лука 5:34 Referans Kwoze

Иоан 3:29

Верӧспуӧн шуӧны сійӧс, кодлӧн эм гӧтырпу. Верӧспулӧн ёртыс орччӧн сулалӧ да нимкодясьӧмӧн кывзӧ сылысь сёрнисӧ. Ме тшӧтш тадзи нимкодяся, и менам нимкодьлунӧй помтӧм-дортӧм.

2 Коринфӧ 11:2

ӧд ме тӧждыся тіян вӧсна Енлӧн тӧждысьӧмӧн. Ме кӧсйыси сетны тіянӧс дзик ӧти верӧспулы – Кристослы. Кӧсъя, мед ті сувтінныд Сы водзӧ сӧстӧм нылӧн.

Матвей 22:2

«Енэжвыв Юралӧмыс татшӧм. Ӧксы аслас пиыслы кӧлысь вӧчас.

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Исай 62:5

Кыдзи том зон ӧтлаасьӧ том нывкӧд, сідзи тэнад войтырыд ӧтлаасьӧ тэкӧд. Кыдзи верӧспу нимкодясьӧ гӧтырпуыс вӧсна, сідзи тэнад Енмыд пондас нимкодясьны тэ вӧсна.

Исай 54:5

Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Сьылан 6:1

– Кытчӧ тэнад мусукыд мунӧма, медмича аньӧй? Кодарланьӧ тэнад сьӧлӧмшӧрыд кежӧма? Висьтав, и ми тэкӧд корсям сійӧс. (Ныв:)

Сьылан 5:8

Кыв сетӧй меным, ерусалимса нывъяс. Тіянлы кӧ паныдасяс менам мусукӧй, мый ті сылы висьталанныд? Висьталӧй, мый ме эбӧстӧмми муслунысь. (Мукӧдъяс:)

Матвей 9:15

Исус вочавидзис: «Вермӧны-ӧ шогавны кӧлысь вылын ёртъяс, кор верӧспуыс накӧд? Воасны на сійӧ лунъясыс, кор колясны верӧспутӧг, сэки и видзаласны.

Лука 5:33

Найӧ шуисны Исуслы: «Мыйла нӧ Иоанлӧн велӧдчысьясыс тшӧкыда видзалӧны-кевмысьӧны, фарисейяслӧн велӧдчысьясыс тшӧтш, а Тэнад сёйӧны-юӧны?»

Лука 5:35

Воасны на сійӧ лунъясыс, кор колясны верӧспутӧг, сэки и видзаласны».