Лука 5:24 - Коми Библия 2023

²⁴ Ӧні ті тӧдмаланныд, мый Морт Пи вермӧ прӧститны мыжъяс му вылын». Сэсся Исус шуис висьысьлы: «Тэныд шуа: чеччы, босьт вольпасьтӧ да мун гортад».

Лука 5:24 Referans Kwoze

Восьтӧм 1:13

Сизим бикок пӧвстас быттьӧ Морт Пи сулаліс. Сійӧ вӧлі кузь паськӧма, морӧс весьтӧдыс вӧлі вӧнясьӧма зарни вӧньӧн.

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

Ап. уджъяс 14:10

Сэки Павел гораа шуис: «Господь Исус Кристос нимӧн шуа тэныд: ”Сувт кок вылад!”» Сійӧ дзик пыр чеччыштіс да пондіс ветлӧдлыны.

Ап. уджъяс 9:40

Петыр тшӧктіс петны ставныслы, ачыс пидзӧс вылас сувтӧмӧн кутіс кевмысьны. Сэсся шойланьыс бергӧдчӧмӧн шуис: «Тавита, чеччы!» Тавита восьтіс синсӧ, видзӧдліс Петыр вылӧ да пуксис.

Ап. уджъяс 9:34

Петыр шуис сылы: «Эней, Исус Кристос бурдӧдӧ тэнӧ. Чеччы да лӧсьӧд вольпасьтӧ». Сійӧ дзик пыр чеччис.

Ап. уджъяс 5:31

Енмыс пуксьӧдіс Сійӧс веськыдладорас, индіс Сійӧс Юралысьӧн да Мездысьӧн, медым Израиль вермис бергӧдчыны мыжъяссьыс да босьтны прӧститӧмсӧ.

Иоан 17:2

Тэ индін Питӧ ыджыдавны быдӧн вылын. Сійӧ сетас помтӧм олӧм быдӧнлы, кодӧс Тэ сетін Сылы.

Иоан 11:43

Та бӧрын Исус гораа горӧдіс: «Лазар, пет сэтысь!»

Иоан 5:27

Батьыс сетіс Пиыслы вын мыждыны, ӧд сійӧ Морт Пи.

Иоан 3:13

Енэжас олысь да енэжсянь лэччӧм Морт Пиысь кындзи енэжас некод на эз кыпӧдчыв.

Лука 8:54

Ставнысӧ вӧтлӧм бӧрын Исус босьтіс нывкаӧс киӧдыс да гораа шуис: «Нылӧй, чеччы!»

Лука 7:14

Сэсся матыстчис да инмӧдчис гортъяс, нуысьяс сувтісны. Исус шуис: «Зонмӧй, тэныд шуа: чеччы!»

Лука 5:13

Исус нюжӧдіс кисӧ, инмӧдчыліс сы дінӧ да шуис: «Кӧсъя. Сӧстӧммы». Висьысьлӧн дойясыс дзик пыр бырисны.

Матвей 28:18

Велӧдчысьяс дінӧ матыстчӧмӧн Исус шуис: «Меным сетӧма ыджыдавны енэжын да му вылын.

Матвей 26:64

Исус вочавидзис: «Тэ шуин. Висьтала тіянлы: ӧнісянь аддзанныд Морт Пиӧс, Ставсӧвермысьлӧн веськыдладорас пукалысьӧс да кымӧръяс вылын локтысьӧс».

Матвей 25:31

«Морт Пи локтас Аслас дзирдлунӧн вежа анделъяскӧд да пуксяс дзирдлуныслӧн юралан пуклӧсӧ.

Матвей 16:13

Исус воис Филип Кесария муӧ да юаліс велӧдчысьясыслысь: «Код туйӧ йӧзыс пуктӧны Менӧ, Морт Пиӧс?»

Матвей 9:6

Ӧні ті тӧдмаланныд, мый Морт Пи вермӧ прӧститны мыжъяс му вылын». Сэсся Исус шуис висьысьлы: «Чеччы, босьт вольпасьтӧ да мун гортад».

Даниил 7:13

Войся аддзылӧмын меным нӧшта вӧлі петкӧдлӧма, мый енэжвывса кымӧръяс вылын локтіс Морт Пи кодь. Сійӧ матыстчис важысянь Олысь дінӧ, Сійӧс вайӧдісны важысянь Олысь водзӧ.

Матвей 4:24

Сы йылысь юӧрыс разаліс Сирия му пасьтала. Исус дінӧ вайӧдлісны быдсикас висьысьӧс-вермытӧмӧс, пеж лолӧн кутӧмаясӧс, шыблалан висьӧмӧн висьысьясӧс, ки-коксӧ вӧрзьӧдны вермытӧмъясӧс. Сійӧ быдӧнӧс бурдӧдіс.

Лука 5:18

Кодъяскӧ сэтчӧ вольпасьнас вайисны вӧрзьӧдчыны вермытӧм мортӧс. Найӧ кӧсйисны пыртны сійӧс керкаӧ да пуктыны Исус водзӧ,

Лука 5:23

Мый кокньыдджык шуны: ”Тэнсьыд мыжъястӧ прӧститӧма” либӧ ”Чеччы да ветлы”?