Лука 5:17 - Коми Библия 2023

¹⁷ Ӧтчыд Исуслӧн велӧдігӧн сэні пукалісны фарисейяс да Индӧдӧ велӧдысьяс. Найӧ вӧлі локтӧмаӧсь Галилея да Иудея сиктъясысь, тшӧтш Ерусалим карысь. Исус бурдӧдаліс висьысьясӧс Господь вынӧн.

Лука 5:17 Referans Kwoze

Лука 6:19

Йӧз чукӧрысь быдӧн зілис инмӧдчывны Исус дінӧ, ӧд Сысянь петіс вын да тайӧ выныс бурдӧдіс быдӧнӧс.

Лука 8:46

«Кодкӧ инмӧдчыліс Ме дінӧ. Ме кылі, мый Ме пытшкысь петіс вын», – шуис Исус.

Ап. уджъяс 19:11

Павел пыр Енмыс вӧчис уна шензьӧданатор.

Матвей 11:5

– Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.

Ап. уджъяс 4:30

Нюжӧд китӧ, медым висьысьяс Тэнад вежа Исус Пи нимӧн бурдасны, шензьӧданаторъяс да индысьпасъяс тыдовтчасны».

Марк 7:1

Исус дінӧ локтісны фарисейяс да Ерусалимысь воӧм Индӧдӧ велӧдысьяс.

Марк 5:30

Исус дзик пыр казяліс, мый Сы пытшкысь петіс вын. Сійӧ бергӧдчис йӧз чукӧрлань да юаліс: «Коді инмӧдчыліс Менам паськӧмӧ?»

Матвей 15:1

Сэки Ерусалимысь Исус дінӧ воисны фарисейяс да Индӧдӧ велӧдысьяс. Найӧ шуисны Сылы:

Иоан 3:21

Збыль серти олысь локтӧ югыдас, медым тыдовтчисны сылӧн Енсянь уджъясыс».

Лука 2:46

Куим лун мысти найӧ аддзисны Исусӧс крамысь. Сійӧ пукаліс велӧдысьяс пӧвстын, кывзіс-юасис найӧс.

Лука 15:2

Фарисейяс да Индӧдӧ велӧдысьяс шуасисны: «Сійӧ мыжаяскӧд ветлӧдлӧ да накӧд ӧтлаын сёйӧ!»

Лука 7:30

А фарисейяс Индӧдӧ велӧдысьяскӧд паныд сувтісны Ен кӧсйӧмлы да эз пыртчыны Иоан пыртӧмӧн».

Лука 5:30

Фарисейяс да Индӧдӧ велӧдысьяс шуасисны Исуслӧн велӧдчысьяс вылӧ. Найӧ юалісны: «Мыйла ті сёянныд-юанныд вот перйысьяскӧд да мыжа йӧзкӧд?»

Лука 5:21

Индӧдӧ велӧдысьяс да фарисейяс мӧвпалісны: «Коді тайӧ? Сійӧ Енмӧс омӧльтӧ. Ен кындзи вермас-ӧ кодкӧ прӧститны мыжъяс?»

Марк 16:18

Босьтасны кӧ кианыс змейӧс да юасны кӧ мыйкӧ кулантор, таысь налы лёкыс оз ло. Найӧ пуктасны кинысӧ висьысьяс вылӧ, и найӧ бурдасны».

Марк 3:22

Ерусалимысь локтысь Индӧдӧ велӧдысьяс сёрнитісны, Сы пытшкын пӧ Вельзевул, вӧтлалӧ пӧ пеж ловъясӧс налӧн юралысь вынӧн.

Марк 1:45

Мунӧм бӧрас бурдӧм морт пондіс висьтавлыны лоӧмтор йывсьыс. Та вӧсна Исус эз нин вермы восьсӧн пырны карӧ. Сійӧ оліс кар саяс, овтӧминын, и Сы дінӧ быдласянь волісны йӧз.

Иоан 3:10

Исус вочавидзис: «Ачыд тэ – Израиль войтырӧс велӧдысь, а тайӧс весиг он тӧд?

Ап. уджъяс 5:34

Сэки сувтіс веськӧдлан котырысь Гамалиэл нима фарисей, Индӧдӧ велӧдысь, кодӧс пыдди пуктісны став йӧзыс. Сійӧ тшӧктіс кад кежлӧ петкӧдны сэтысь апостолъясӧс.