Лука 22:20 - Коми Библия 2023

²⁰ Сёйӧм бӧрас босьтіс чаша да сійӧс сетігас шуис: «Тайӧ чашаыс – Выль Йитӧд, кӧрталӧма Менам вирӧн, сійӧ киссьӧ тіян вӧсна.

Лука 22:20 Referans Kwoze

1 Коринфӧ 11:25

Сёйӧм бӧрас босьтіс тшӧтш чаша да шуис: «Тайӧ чашаыс – Выль Йитӧд, кӧрталӧма Менам вирӧн. Быдпӧрйӧ, тайӧ чашасьыс юигӧн, казьтывлӧй Менӧ».

Матвей 26:28

Тайӧ Менам вир – Выль Йитӧдлӧн вир, сійӧ киссьӧ уналысь мыжъяссӧ прӧститӧм вӧсна.

Закар 9:11

Вирӧн вынсьӧдӧм йитӧд вӧсна Ме мезда пленӧ босьтӧмаястӧ, петкӧда найӧс ватӧм гуысь.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

Петӧм 24:8

Мӧисей босьтіс чукӧртӧм вирсӧ да резіс сыӧн войтырсӧ. Сійӧ шуис: «Тайӧ вирыс – йитӧдлӧн вир. Господь кӧрталіс тіянкӧд йитӧд. Тайӧ йитӧдыс подуласьӧ Сылӧн тшӧктӧмъясыс вылӧ».

Еврейяслы 12:24

Ті матыстчинныд Выль Йитӧдсӧ кӧрталысь Исус дінӧ да Сылӧн сӧстӧммӧдысь вир дінӧ. Сылӧн вирыс Авельлӧн вир дорысь бурджыксӧ висьталӧ.

Еремей 31:31

Воасны лунъяс, – висьталӧ Господь, – кор Ме кӧртала Израиль да Иуда войтыркӧд выль йитӧд.

Еврейяслы 9:17

Ӧд мортыс кӧ ловъя на, гижӧдыс вынтӧм. Сійӧ лоӧ вына сӧмын мортыслӧн кулӧм бӧрын.

2 Коринфӧ 3:6

Сійӧ сетіс миянлы сямлун кесъявны Выль Йитӧдлы, мыйӧн веськӧдлӧ Лов, а оз шыпаса Индӧд. Ӧд шыпаса Индӧдыс вайӧ кулӧм, а Лолыс сетӧ олӧм.

Еврейяслы 9:15

Сійӧн Кристос лои Енма-морта костын Выль Йитӧд Кӧрталысьӧн. Аслас кулӧмӧн Кристос вештысис воддза йитӧд дырйи вӧчӧм мыжъясысь, медым Енлӧн корӧмаяслы пыр кежлӧ вичмис Енсянь кӧсйысьӧмыс.

Марк 14:24

Исус шуис налы: «Тайӧ Менам вир – Выль Йитӧдлӧн вир, сійӧ киссьӧ уна вӧсна.