Лука 21:24 - Коми Библия 2023

²⁴ Ӧтияс куласны шыпурт помысь, мӧдъясӧс мырдӧн нуӧдасны йӧз муӧ. Ерусалим карсӧ индӧм кадӧдз пондасны талявны ентӧдтӧмъяс».

Лука 21:24 Referans Kwoze

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

Восьтӧм 11:2

Крамлысь ортсы йӧрсӧ эн муртав, сійӧс оз ков муртавны, ӧд сійӧс сетӧма ентӧдтӧмъяслы. Найӧ кутасны талявны вежа карсӧ нелямын кык тӧлысь чӧж.

Исай 63:18

Сӧмын дженьыдик кад Тэнад вежа войтырыд ыджыдаліс аслас му вылын, а ӧні Тэнсьыд вежаинтӧ талялӧны миянӧс дзескӧдысьяс.

Даниил 12:7

Ме аддзи шабді паськӧма анделӧс, коді сулаліс ва весьтын. Веськыд да шуйга кисӧ енэжланьыс кыпӧдӧмӧн сійӧ кыв сетіс помтӧг Олысь водзын: «Коляс ӧти кадколаст, сэсся кык кадколаст да нӧшта кадколаст джын. Кор вежа войтырӧс лоӧ разӧдӧма, сэки ставыс тайӧ инас».

Даниил 9:27

Локтана юралысьыс унакӧд кӧрталас йитӧд сизим во кежлӧ. Сизим воыслӧн джын кадас сійӧ дугӧдас вись вайӧм. Вежаинлӧн вевт вылас пеж зывӧкыс лоӧ сэтчӧдз, кытчӧдз Енлӧн водзвыв шуӧмыс серти оз ло бырӧдӧма асьсӧ бырӧдысьсӧ».

Даниил 8:13

Ме кывлі кык вежалысь сёрнисӧ. Ӧтиыс юаліс мӧдыслысь: «Дыр-ӧ на тадзи лоӧ? Быдлунся вись вайӧмсӧ дугӧдӧма, вежаинсӧ да тышкайӧзсӧ талялӧма, и лёкыс куштӧ-пазӧдӧ».

Исай 5:5

Ӧні Ме висьтала тіянлы, мый вӧча Аслам виноград йӧркӧд. Ме кисьта сылысь потшӧссӧ, и сійӧс куштасны. Ме жугӧда сылысь стенъяссӧ, и сійӧс таляласны.

Исай 66:19

Ме петкӧдла налы индысьпас. Кодсюрӧӧс ловйӧн кольӧмаяс пӧвстысь Ме мӧдӧда юӧртны Менам дзирдлун йылысь войтыръяслы Фарсисӧ, Пулӧ да Лудӧ, кӧні лыйсьӧны ньӧввужйысь. Мӧдӧда юӧртысьясӧс тшӧтш Тувалӧ да Яванӧ, ылі саридздорса муясын олысь йӧз дінӧ, кодъяс эз на кывлыны Ме йылысь да эз на аддзывны Менсьым дзирдлунӧс.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Бӧрданкыв 1:15

Господь ӧтдортіс менсьым ён йӧзӧс, индіс-юӧртіс кад, медым бырӧдны менсьым зонъясӧс. Пычкан гуын виноградӧс моз Господь таляліс Иудалысь нывсӧ!

Исай 66:12

Господь тадзи висьталӧ: – Юӧс моз Ме веськӧда Ерусалимлы бур олӧмсӧ, мӧдӧда сылы войтыръяслысь озырлунсӧ ойдӧм ва моз. Сійӧ вердас тіянӧс пӧттӧдзныд, пондас новлӧдлыны ки вылас, лелькуйтны пидзӧс вылас.

Олӧм 34:26

Хаморӧс да Сикем писӧ бытшкисны шыпуртӧн. Динаӧс босьтісны Сикем керкаысь да петісны карсьыс.

Петӧм 17:13

Та вӧсна Исус шыпуртӧн вермис амалик войтырӧс.

Лука 21:25

«Шонді, тӧлысь да кодзувъяс вылын тыдовтчасны индысьпасъяс. Саридз ыджыд шыӧн гызяс, войтыръяс му вылын шызясны да шӧйӧвошасны.

Еврейяслы 11:34

кусӧдісны яр би, видзисны асьнысӧ шыпуртысь, вынтӧммиганыс найӧ ёнмылісны, тышын вӧліны вынаӧсь, йӧз муысь воысь тышкасьысьясӧс бӧр вӧтлісны асланыс муысь,