Лука 2:13 - Коми Библия 2023

¹³ Виччысьтӧг анделкӧд орччӧн тыдовтчис лыдтӧм-тшӧттӧм андел чукӧр. Найӧ ошкисны Енмӧс:

Лука 2:13 Referans Kwoze

Восьтӧм 5:11

Ме видзӧдлі да кылі уна анделлысь гӧлӧс шысӧ. Найӧ кытшалісны Енлысь пуклӧссӧ, нёль ловъя олысьӧс да юрнуӧдысьясӧс. Анделъяслӧн лыдыс вӧлі лыдтӧм-тшӧттӧм – сё миллионъясӧн.

Ӧксыяслӧн 3 небӧг 22:19

Микей водзӧ висьталіс: «[Тадзисӧ ог ме висьтав.] Кывзӧй Господьлысь кывсӧ! Ме аддзылі Господьӧс, Сійӧ пукаліс Аслас юралан пуклӧсын. Сыкӧд орччӧн шуйгаладорас и веськыдладорас сулалісны енэжвывса тышкакотыръяс.

Псалтыр 148:2

Ошкӧй Сійӧс, став Сылӧн анделъяс, ошкӧй Сійӧс, став Сылӧн тышкакотыръяс!

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

Даниил 7:10

Сы дінысь петіс-визувтіс биӧн ыпъялысь ю, Сылы кесъялісны сюрсъясӧн, Сы водзын сулалісны лыдтӧм-тшӧттӧм йӧз. Ёрдысьяс пуксисны, и воссисны небӧгъяс.

Лука 15:10

Висьтала тіянлы: тадзи тшӧтш нимкодясьӧны Енлӧн анделъяс ӧти морт вӧсна, коді бергӧдчӧ мыжъяссьыс».

Иов 38:7

кор асъя кодзувъяс нимкодясисны, кор Енлӧн пияныс долыда горзісны?

Псалтыр 68:17

Господьӧй, вочавидз меным, ӧд Тэ бур сьӧлӧма. Ыджыд буралӧмыд кузя видзӧдлы ме вылӧ.

Ефесӧ 3:10

медым вичкоыс пыр ӧні петкӧдлыны енэжвывса ыджыдалысь-веськӧдлысьяслы Ассьыс уна ногӧн петкӧдчысь мывкыдлунсӧ.

Олӧм 28:12

Узигас Яков вӧтасис, мый му вылын сулаліс сод. Содйыс судзис енэжӧдз, сэті лэччисны-кайисны Енлӧн анделъяс.

Езекиль 3:12

Та бӧрын Лов кыпӧдіс менӧ. Ме кылі бӧрвылысь грымакылысь вына гӧлӧс: «Ошкӧй дзирдлуна Господьӧс Сылӧн оланінас!»

1 Петыр 1:12

Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.

Лука 2:12

Лясниысь ті аддзанныд рузумӧ гартыштӧм кагаӧс – тайӧ лоӧ тіянлы пасӧн».

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

1 Тимофейлы 3:16

Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.