Лука 19:5 - Коми Библия 2023

⁵ Пу весьтӧ воигӧн Исус видзӧдліс вывлань, аддзис Заккейӧс да шуис: «Заккей, лэччы ӧдйӧджык. Талун Меным колӧ лоны тэ ордын».

Лука 19:5 Referans Kwoze

Восьтӧм 3:20

Со, Ме сулала ӧдзӧс дорад да игӧдча. Коді кылас Менсьым гӧлӧс шыӧс да восьтас Меным, сы ордӧ Ме пыра, и ми кутам ӧтвыв сёйны.

Иоан 14:23

Исус вочавидзис: «Коді радейтӧ Менӧ, сійӧ олӧ Менам кывъяс серти. Менам Батьӧй радейтӧ сійӧс, и Ми Батькӧд локтам да овмӧдчам сы ордӧ.

Еврейяслы 13:2

Энӧ вунӧдӧй сибӧдны ветлысь-мунысьясӧс. Тадзи вӧчигӧн ӧткымынӧн сибӧдісны анделъясӧс, весиг асьныс та йылысь эз тӧдны.

Иоан 1:48

Нафанаил юаліс Сылысь: «Кытысь Тэ тӧдан менӧ?» Исус вочавидзис: «Филип кортӧдз на Ме аддзылі тэнӧ инжир пу улысь».

Ефесӧ 3:17

да эскӧм пыр Кристос овмӧдчас тіян сьӧлӧмӧ.

Лука 19:10

Морт Пи локтіс корсьны да мездыны вошӧмаӧс».

Езекиль 16:6

Ме муні тэ бокті да аддзи, кыдзи тэ куйлан вирӧсь да чужъясян. Кор тэ куйлін вирӧсь, Ме шуи тэныд: ”Тэ кутан овны!”

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

2 Коринфӧ 6:1

Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.

Лука 19:2

Сэні оліс Заккей нима озыр морт, вот перйысьяслӧн юралысьыс.

Лука 19:4

Заккей котӧртіс водзӧ да кавшасис пу вылӧ, медым аддзыны Исусӧс. Буретш сійӧ туйӧдыс вӧлі локтӧ Исус.

Лука 19:6

Заккей тэрмасьӧмӧн лэччис. Сійӧ долыдпырысь сибӧдіс Исусӧс гортас.