Лука 17:24 - Коми Библия 2023

²⁴ Енэж ӧтар помсяньыс мӧдарӧдзыс югнитысь чардби моз Морт Пи тыдовтчас Аслас лунӧ.

Лука 17:24 Referans Kwoze

Матвей 24:27

Енэжсӧ асыввывсянь рытыввылӧдз югдӧдысь чардби моз Морт Пи локтас.

Матвей 24:30

Сэки енэжас тыдовтчас Морт Пилӧн пас. Мувывса став йӧзыс ырзӧмӧн бӧрддзасны, кор аддзасны кымӧръяс вылын ыджыд вынӧн да дзирдлунӧн локтысь Морт Пиӧс.

Закар 9:14

Господь петкӧдчас, медым отсавны Аслас войтырлы, Сійӧ чардби моз лыйыштас Ассьыс ньӧвсӧ. Господь Ыджыдыс букӧстас буксанӧн, Сійӧ кыпӧдчас лунвыв ыджыд тӧвнырӧн.

2 Петыр 3:10

Господьлӧн луныс воас виччысьтӧг, войся гусясьысь моз. Сэки енэжыс ыджыд шыӧн бырас, став ентыкӧлаыс ыпъялана биысь пазалас, а муыс да ставыс, мый сэні эм, сотчас.

Яков 5:8

Ті тшӧтш дыр терпитӧй да лоӧй зумыдӧсь, ӧд Господьлӧн локтӧмыс матын нин.

2 Фессалоникаӧ 2:2

энӧ майшасьӧй некутшӧм гижӧдысь либӧ кодлӧнкӧ сёрниысь, быттьӧ сійӧ Ловсянь висьталӧ, мый Кристослӧн луныс воис нин. Энӧ полӧй, весиг висьталасны кӧ тіянлы, мый тайӧс ми гижим.

1 Фессалоникаӧ 5:2

Ті ӧд асьныд бура тӧданныд, мый Господьлӧн луныс воас войся гусясьысь моз.

2 Фессалоникаӧ 2:8

сэки паныд сувтысь воссяс. Но Господь Исус локтігас виас сійӧс Аслас лолыштӧмнас да бырӧдас сійӧс Аслас дзирдлуннас.

Матвей 26:64

Исус вочавидзис: «Тэ шуин. Висьтала тіянлы: ӧнісянь аддзанныд Морт Пиӧс, Ставсӧвермысьлӧн веськыдладорас пукалысьӧс да кымӧръяс вылын локтысьӧс».

Матвей 25:31

«Морт Пи локтас Аслас дзирдлунӧн вежа анделъяскӧд да пуксяс дзирдлуныслӧн юралан пуклӧсӧ.

Езекиль 1:14

Ловъя олысьяс чардби моз тюръялісны ӧтарӧ-мӧдарӧ.

Матвей 5:15

Ӧзтӧм битӧ оз пуктыны доз улӧ, сійӧс пуктӧны бикок вылӧ. Сэки керкаын югыдыс быдлаті югзьӧдӧ.

1 Коринфӧ 1:8

Енмыс ёнмӧдас тіянӧс зумыда сулавны помӧдз, медым миян Господь Исус Кристослӧн лунӧ ті вӧлінныд сӧстӧмӧсь.