Лука 16:3 - Коми Библия 2023

³ Овмӧс нуӧдысь кутас мӧвпавны: ”Ыджыдӧй вӧтлӧ менӧ. Мый вӧчны? Му бертны ог вермы, корысьӧдз усьны яндзим.

Лука 16:3 Referans Kwoze

2 Фессалоникаӧ 3:11

Миянлы кывсис, тіян пӧвстысь пӧ ӧткымынӧн весьшӧрӧ кадсӧ коллялӧны. Найӧ оз уджавны да нырсӧ быдлаӧ сюйӧны.

Ап. уджъяс 3:2

Сэні вӧлі чужӧмсяньыс коктӧм морт. Сійӧс быд лун вайлісны крамӧ да пуксьӧдлісны сідз шусяна Мича дзиръя дорӧ, медым сійӧ корис крамӧ волысьяслысь.

Иоан 9:8

Сыкӧд орччӧн олысьяс да сійӧс синтӧмӧн аддзылысьяс шензисны: «Абу-ӧ тайӧ сійӧ мортыс, коді пукаліс да сьӧм корис?»

Лука 18:4

Ёрдысь дыр эз босьтчы дорйынысӧ. Сэсся шуис: ”Дерт, ме Енсьыс ог пов да йӧзысь ог яндысь.

Лука 16:22

Лазар куліс, и анделъяс нуисны сійӧс Ӧвраам дінӧ. Куліс тшӧтш озыр морт, и сійӧс дзебисны.

Лука 16:20

Лазар нима корысь куйліс сылӧн дзиръя дорын да виччысис, оз-ӧ вичмы сылы озыр мортлӧн пызан вывсьыс гылалӧм торпыригыс. Лазарлӧн кучикыс ставнас вӧлі лӧмӧсь, весиг понъяс волывлісны нювны лӧмсӧ.

Лука 12:17

Сійӧ мӧвпыштас: ”Мый вӧчны? Быдтасӧй видзанінъясӧ оз тӧр”.

Марк 10:46

Исус велӧдчысьясыскӧд воис Ерикон карӧ. Карысь петіганыс накӧд вӧлі уна йӧз. Туй бокын пукаліс синтӧм корысь Вартимей, Тимейлӧн пиыс.

Осий 9:5

Мый ті кутанныд вӧчны гажӧдчан лунӧ, Господьлы торйӧдӧм лунӧ?

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Исай 10:3

Мый ті кутанныд вӧчны мыждан лунӧ, кор бырӧдӧмыс ыджыд тӧвныр моз ылісянь суӧдас тіянӧс? Код дінӧ ті котӧртанныд отсӧгла? Кытчӧ дзебанныд ассьыныд озырлунтӧ?

Шусьӧгъяс 29:21

Ичӧтдырсяньыс кӧ кесйӧгтӧ вельмӧдан, бурӧн тайӧ оз помась.

Шусьӧгъяс 20:4

Дыш мортыд пуктысян кадӧ оз гӧр, и вундан кадӧ нинӧм оз босьт.

Шусьӧгъяс 19:15

Дышӧдчигад унзіль личкывлӧ, дыш морттӧ тшыгъялӧм суӧ.

Шусьӧгъяс 18:9

Суклясьысьлӧн кывъясыс чӧскыдӧсь, кынӧм пытшкӧдзыд пырӧны.

Шусьӧгъяс 15:19

Дыш мортлӧн туй вылас лежнӧг быдмӧ, веськыда олысьлӧн туйыс шыльыд.

Шусьӧгъяс 13:4

Дыш морт унатор кӧсйӧ, но весьшӧрӧ, зіль мортлӧн кӧсйӧмыс збыльмӧ.

Эсфир 6:6

Кор Аман пырис, ӧксы юаліс сылысь: «Висьтав, мый позьӧ вӧчны сійӧ мортыслы, кодӧс ӧксы кӧсйӧ донъявны?» Аман ас кежас мӧвпыштіс: «Буракӧ, ӧксы кӧсйӧ менӧ донъявны? А кодӧс сэсся меысь кындзи?»

Ап. уджъяс 9:6

Савлӧс полӧм босьтіс, тіралӧмӧн сійӧ юаліс: «Господьӧй, мый Тэ тшӧктан меным вӧчны?» Господь шуис сылы: «Чеччы да мун карас. Сэні висьталасны, мый тэныд колӧ вӧчнысӧ».

Матвей 20:8

Рытнас овмӧс кутысь шуас уджӧн веськӧдлысьыслы: ”Кор уджалысьястӧ да мынтысь налы. Сёрӧнджык локтӧмаяслы мынты водзджык, сэсся водзынджык локтӧмаяслы”.

Лука 16:2

Сійӧ корас овмӧс нуӧдысьсӧ ас дінас да шуас сылы: ”Тӧдан он, мый кывсьӧ тэ йылысь? Висьтась, кыдзи тэ веськӧдлін менам овмӧсӧн. Талунсянь тэ он кут уджавны ме ордын”.

Лука 16:4

Со мый вӧча, медым мукӧдыс сибӧдасны менӧ асланыс керкаӧ”.