Лука 15:5 - Коми Библия 2023

⁵ Аддзӧм бӧрас долыдпырысь босьтас ыжсӧ пельпом вылас.

Лука 15:5 Referans Kwoze

Еврейяслы 12:2

да видзӧдны Исус вылӧ. Сійӧ – миянлы эскӧмсӧ Сетысьыс да тырвыйӧ эскӧмас Вайӧдысьыс. Локтана нимкодьлун понда Сійӧ нуис крест вылын дойсӧ, нинӧм туйӧ пуктіс лёкӧдӧмсӧ да пуксис Ен пуклӧс веськыдладорӧ.

Лука 19:9

Исус шуис сылы: «Талун воис мездмӧм тайӧ керкаас, ӧд тайӧ мортыс тшӧтш Ӧвраам пи.

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Лука 23:43

Исус шуис: «Веськыда висьтала тэныд: талун лоан Мекӧд райын».

Лука 15:32

Вокыд вӧсна колӧ гажӧдчыны-нимкодясьны, ӧд сійӧ вӧлі кулӧма, а ӧні ловъя, вӧлі вошӧма, а ӧні сюрис”».

Езекиль 18:23

Ме ог кӧсйы, медым лёк вӧчысь куліс, – висьталӧ Господь Ыджыдыс. – А кӧсъя, медым сійӧ бергӧдчас аслас лёк туй вылысь да кутас овны.

1 Петыр 1:5

Эскӧм вӧсна Енлӧн выныс видзӧ тіянӧс мездмӧм вылӧ, и тайӧ мездмӧмыс воссяс бӧръя кадас.

2 Тимофейлы 2:26

Сэки найӧ мынасны омӧльыслӧн налькйысь, ӧд омӧльыс кыйӧма найӧс, медым веськӧдлыны наӧн.

1 Фессалоникаӧ 1:5

Ми висьтавлім тіянлы Бур Юӧрсӧ Вежа Лов вынӧн да ыджыд эскӧмлунӧн, эгӧ сӧмын кывйӧн. Ті бура тӧданныд, кыдзи ми кутім асьнымӧс тіянын олігӧн да отсасим тіянлы.

Ефесӧ 3:7

Енлӧн бурсетӧмыс да выныс отсӧгӧн ме лои тайӧ Бур Юӧрыслы кесъялысьӧн.

Ефесӧ 2:10

Ми – Енлӧн вӧчӧмторъяс. Сійӧ ӧтувтӧма миянӧс Исус Кристоскӧд, медым ми вӧчим бур уджъяс, мый Енмыс водзвыв дасьтӧма миянлы.

Иоан 15:11

Тайӧс Ме висьталі, медым Менам нимкодьлунӧй вуджис тіянлы да тыртіс сьӧлӧмнытӧ.

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Микей 5:4

И локтас Сійӧ, коді кутас видзны Господь вынӧн, Аслас Господь Енлӧн медыджыд нимнас. Найӧ кутасны повтӧг овны, ӧд Сійӧ кутас ыджыдавны став му пасьтала.

Езекиль 33:11

Шу налы, мый Ме ог кӧсйы, медым мыжа морт куліс, – висьталӧ Господь Ыджыдыс. – Но кӧсъя, медым сійӧ бергӧдчис аслас лёк туй вылысь да видзис ассьыс олӧмсӧ. Тайӧс Ме Ачым кыв сетӧмӧн шуа. Бергӧдчӧй асланыд лёк туй вылысь! Мыйла тіянлы кувнысӧ, Израиль войтыр?

Исай 63:9

сьӧкыд кадӧ Сійӧ вӧлі накӧд, Сылӧн анделыс отсаліс налы. Аслас муслуныс да бурлуныс вӧсна Сійӧ мездывліс найӧс, новлӧдліс найӧс ки вылас став важся лунъясӧ.

Исай 62:12

Найӧс шуасны Вежа войтырӧн, Господьлӧн мездмӧм йӧзӧн, а тэнӧ шуасны Мусаӧн, Карӧн, мый оз ло эновтӧма.

Исай 62:5

Кыдзи том зон ӧтлаасьӧ том нывкӧд, сідзи тэнад войтырыд ӧтлаасьӧ тэкӧд. Кыдзи верӧспу нимкодясьӧ гӧтырпуыс вӧсна, сідзи тэнад Енмыд пондас нимкодясьны тэ вӧсна.

Лука 15:4

«Мый вӧчас морт, вошас кӧ сылӧн сё ыжсьыс ӧти? Оз-ӧ сійӧ коль ӧкмысдас ӧкмыссӧ овтӧминӧ да мун корсьны вошӧмасӧ?

Лука 15:6

Локтас гортас, чукӧстас ёртъяссӧ, орччӧн олысьяссӧ да шуас налы: ”Нимкодясьӧй, менам вошӧм ыжӧй сюрис!”