Лука 14:10 - Коми Библия 2023

¹⁰ Кор тэ локтан кӧлысь вылӧ, пуксьы пызан помланьыс. Тэнӧ корысь кӧ матыстчас да шуас: ”Ёртӧй, пуксьы матӧджык”, сэки тэ лоан корӧмаяс водзын пыдди пуктӧмаӧн.

Лука 14:10 Referans Kwoze

Шусьӧгъяс 15:33

Господьысь полӧмыд мывкыдлун сетӧ, раммӧдчӧм бӧрти пыдди пуктӧм воӧ.

Ӧксыяслӧн 1 небӧг 15:17

Самуил пондіс висьтавны: «Эн-ӧ тэ асьтӧ нинӧмӧ пукты, кор лоин Израиль чужанкотыръяслы юралысьӧн? Но Господь мавтыштіс тэнӧ да пуктіс ӧксыӧ Израиль войтырлы.

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.