Лука 13:24 - Коми Библия 2023

²⁴ «Став вынтӧ пуктӧй, медым пырны векньыд ӧдзӧсӧд. Висьтала тіянлы: унаӧн зілясны пырны, сӧмын оз вермыны.

Лука 13:24 Referans Kwoze

2 Петыр 1:10

Вокъяс, тіянӧс корӧма-бӧрйӧма, сідзкӧ, тӧждысьӧй, мед тайӧ лунысь-лун зумыдмас тіян пытшкын. Тадзи вӧчиганыд некор онӧ крукасьӧй.

Еврейяслы 4:11

Сідзкӧ, кутам зільны пырны Енлӧн шойччанінӧ, медым тайӧ кывзысьтӧм йӧзыс моз эгӧ кольӧй Енлӧн шойччанінӧ пыртӧг.

Лука 21:36

Лоӧй дасьӧсь да пыр кевмысьӧй, медым верминныд мынны ставсьыс, мый виччысьӧ тіянӧс, да сувтны Морт Пи водзӧ».

Езекиль 33:31

Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Шусьӧгъяс 21:25

Дышлӧн кӧсйӧмыс виас сійӧс, ӧд сійӧ кисӧ сюркнялӧмӧн пукалӧ.

Римӧ 10:3

Найӧ оз гӧгӧрвоны Енмыслысь веськыдлунсӧ да зільӧны сувтӧдны ассьыныс веськыдлун. Та вӧсна найӧ эз сетчыны Ен веськыдлунлы.

Колосӧ 1:29

Та могысь ме уджала да вермася ме пытшкын олысь Кристос вынӧн.

Иоан 7:34

Ті кутанныд корсьны Менӧ, но онӧ аддзӧй. Кӧні Ме лоа, сэтчӧ ті онӧ вермӧй локнысӧ».

Еклесиаст 10:15

Вежӧртӧмӧс уджалӧмыс мудзтӧдӧ, сійӧ весиг оз тӧд, кыдзи бӧр воӧдчыны карӧдз.

Иоан 8:21

Исус бара висьталіс йӧзыслы: «Ме регыд муна. Ті кутанныд корсьны Менӧ, но мыж пытшканыд куланныд. Кытчӧ Ме муна, сэтчӧ ті онӧ вермӧй локнысӧ».

Исай 1:15

Ті нюжӧданныд Мелань кинытӧ, но Ме ог кӧсйы аддзыны тіянӧс. Ті ёна кевмысянныд, но Ме ог кыв тіянӧс. Тіян киныд вирӧсь.

Матвей 11:12

Пыртысь Иоан лунъяссянь да ӧнӧдз Енэжвыв Юралӧмсӧ дзескӧдӧны, и паныд сувтысьяс зільӧны мырддьыны сійӧс.

Шусьӧгъяс 14:6

Омӧльтысь морт корсьӧ мывкыдлунсӧ да оз аддзы, вежӧра мортлы тӧдӧмлуныс кокньыда шедӧ.

Иоан 13:33

Челядь, Меным этша нин колис овны тіянкӧд, сэсся кутанныд корсьны Менӧ. Ӧні висьтала тіянлы сійӧ, мый коркӧ висьтавлі иудейяслы: кытчӧ Ме муна, сэтчӧ ті онӧ вермӧй локнысӧ.

Лука 13:23

Кодкӧ юаліс Исуслысь: «Господьӧй, этшаӧн ӧмӧй мездмасны?» Исус вочавидзис:

Нав Исус 7:3

Локтӧм бӧраныс найӧ шуисны Исуслы: «Став тышкайӧзлы сэтчӧ оз ков мунны, а сӧмын кык-ӧ-куим сюрс мортлы. Найӧ пасьвартасны Гай кар. Оз ков мудзтӧдны став тышкайӧзсӧ, ӧд сэні олысьыс абу уна».

Иоан 5:4

Господьлӧн анделыс корсюрӧ лэччывліс вайӧртӧдӧ гызьӧдны васӧ. Гызьӧм ваӧ медводдза пырысьыс быдпӧлӧс висьӧмысь бурдліс.