Лука 12:56 - Коми Библия 2023

⁵⁶ Кык бана шаньгаяс! Енэжлысь да мулысь чужӧмбансӧ кужанныд тӧдмавны. А мыйла ӧнія кадсӧ онӧ вермӧй тӧдны?»

Лука 12:56 Referans Kwoze

Матвей 16:3

Асывводзнас шуанныд, енэжыс пӧ пемыдгӧрд – кыптас бушков. Кык бана шаньгаяс! Енэжлысь чужӧмбансӧ кужанныд тӧдмавны, а кадлысь пасъяссӧ онӧ.

Матвей 11:25

Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.

1 Каднебӧг 12:32

Иссакар чужанкотырысь вӧліны кыксё юралысь, мывкыда йӧз, кодъяс тӧдісны, мый бурджык Израильлы. Накӧд вӧлі став налӧн рӧдыс.

Галатӧ 4:4

А кор воис урчитӧм кадыс, Енмыс мӧдӧдіс Ассьыс Писӧ, кодӧс ань чужтіс. Ен Пи оліс Индӧд улын,

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Аггей 2:7

Ме пыркнита став войтыръяссӧ, и найӧ ваясны ассьыныс озырлунсӧ крамӧ. Ассьым крамӧс Ме тырта дзирдлунӧн, – висьталӧ Господь Саваоф. –

Малакий 3:1

Ме ыста Ассьым юӧртысьӧс, сійӧ Меным туй дасьтас. Виччысьтӧг локтас Аслас крамӧ Господь, кодӧс ті корсянныд, локтас йитӧд йылысь юӧртысь, кодӧс ті виччысянныд. Со, Сійӧ локтӧ нин, – висьталӧ Господь Саваоф. –

Матвей 6:2

Корысьлы кӧ сетан, эн йӧзӧд тайӧс. Тадзи вӧчӧны кык бана шаньгаяс синагогаясын да йӧзаинъясын, ӧд найӧ йӧзсянь ошкӧм виччысьӧны. Веськыда висьтала тіянлы: найӧ босьтӧны нин ассьыныс удждонсӧ.