Лука 12:37 - Коми Библия 2023

³⁷ Кесйӧгъяс шудаӧсь, ыджыдыс кӧ гортас воигӧн аддзас, мый найӧ виччысьӧны сійӧс. Веськыда висьтала тіянлы: ыджыдыс сэки вӧнясяс, корас кесйӧгъяссӧ пызан сайӧ да ачыс пондас кесъявны налы.

Лука 12:37 Referans Kwoze

2 Петыр 3:14

Сідзкӧ, мусаясӧй, тайӧс виччысиганыд тӧждысьӧй, медым сувтны Ен водзӧ сӧстӧмӧн да мыжтӧмӧн, мед тіян сьӧлӧмын вӧлі лӧньлун.

Матвей 24:42

Лоӧй дасьӧсь, ӧд онӧ тӧдӧй Господьныдлысь локтан кадсӧ.

Филипӧ 1:23

Кӧсъя ӧтисӧ и мӧдсӧ: кӧсъя ӧдйӧджык мунны тайӧ муюгыдсьыс да лоны Кристоскӧд, ӧд тайӧ ёна бурджык,

1 Коринфӧ 2:9

Ӧд гижӧма: – Эз аддзывлы син, эз кывлы пель, весиг юрас мортлы эз волы, мый Енмыс дасьтӧма Сійӧс радейтысьяслы.

Восьтӧм 14:13

Сэсся ме кылі енэжсянь гӧлӧс шы. Сійӧ шуис меным: «Гиж тайӧс: ”Шудаӧсь найӧ, кодъяс ӧнісянь куласны Господьлы эскӧмӧн. Тайӧ тадзи, – шуӧ Лов. Найӧ кутасны шойччыны асланыс сьӧкыд уджъясысь, ӧд налӧн уджъясыс мунӧны на бӧрся”».

2 Петыр 1:11

Сэки ті восьса ӧдзӧсӧд верманныд пырны миян Мездысь Господь Исус Кристослӧн помтӧм Юраланінӧ.

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Лука 21:36

Лоӧй дасьӧсь да пыр кевмысьӧй, медым верминныд мынны ставсьыс, мый виччысьӧ тіянӧс, да сувтны Морт Пи водзӧ».

Исай 62:5

Кыдзи том зон ӧтлаасьӧ том нывкӧд, сідзи тэнад войтырыд ӧтлаасьӧ тэкӧд. Кыдзи верӧспу нимкодясьӧ гӧтырпуыс вӧсна, сідзи тэнад Енмыд пондас нимкодясьны тэ вӧсна.

Восьтӧм 7:17

Ӧд Баляыс, пуклӧс водзын Сулалысьыс, кутас видзны найӧс, Сійӧ вайӧдас найӧс ловъя ва петанінӧ, и Енмыс чышкас налысь став синвасӧ.

Восьтӧм 3:21

Ме лои Вермысьӧн да пукси Аслам Батькӧд орччӧн Сылӧн пуклӧсӧ. Сідзкӧ, вермысьӧс ме тшӧтш пуксьӧда Аскӧд орччӧн Менам пуклӧсӧ.

Филипӧ 1:21

Ӧд менам олӧмӧй – Кристос, а кулӧмӧй – вермӧм.

Лука 17:8

Дерт, онӧ. Ті шуанныд: ”Дасьты меным сёян, вӧнясь да кесъяв меным. А менам сёйӧм-юӧм бӧрын ачыд верман сёйны-юны”.

Лука 12:43

Кесйӧгыс шуда, ыджыдыс кӧ гортас воигӧн аддзас сійӧс тадзи вӧчӧмӧн.

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Еремей 32:41

Ме кута нимкодьпырысь вӧчны налы бурсӧ, Ме зумыда вужйӧда найӧс тайӧ муас, и вӧча тайӧс став сьӧлӧмсянь.

Лука 12:36

Лоӧй кесйӧгъяс кодьӧсь, кодъяс виччысьӧны асланыс ыджыдлысь кӧлысь вылысь локтӧмсӧ. Воӧм бӧрас ыджыдныс тотшкӧдчас ӧдзӧсас, да найӧ пырысь-пыр восьтасны.

Лука 22:27

Пызан сайын пукалысьыс али кесъялысьыс ыджыдджык? Абу-ӧ пызан сайын пукалысьыс? Но Ме тіян пӧвстын кесъялысь.

Восьтӧм 16:15

«Со, Ме локта гусясьысь моз. Шуда сійӧ, коді оз узь, но видзӧ ассьыс паськӧмсӧ, медым эз коль пасьтӧг да некод эз янӧд сійӧс».