35 «Вӧнясьӧй да ӧзтӧй бинытӧ.
Сідзкӧ, лоӧй дасьӧсь да олӧй садь вежӧрӧн. Кутӧй зумыд лача Енлӧн буралӧм вылӧ, коді вичмас тіянлы Исус Кристос локтігӧн.
Сулалӧй зумыда! Вӧнясьӧй збыльнас да пасьталӧй веськыдлуныслысь кӧрт кышӧдсӧ.
Тадзи мед югдӧдас тіян югыдныд, медым йӧзыс аддзасны тіянлысь бур вӧчӧмнытӧ да ошкасны енэжвыв Батьнытӧ».
«Енэжвыв Юралӧмыс татшӧм. Дас ныв биясӧн верӧспулы воча петасны.
На пиысь некод оз мудз, оз крукась, некод оз унмовсь, оз вугырт. Налӧн косканыс тасмаыс оз личав, кӧмкот кӧвйыс некодлӧн оз ор.
Сійӧ вӧнясяс веськыдлуннас, эсканлуныс лоӧ сылы вӧньӧн.
медым ті вӧлінныд Енлӧн сӧстӧм, мыжтӧм да пежасьтӧм челядьӧн. Сэки тайӧ тшыксьӧм да пежасьӧм йӧз пӧвстас ті лоанныд дзирдалысь кодзувъяс кодьӧсь.
Сійӧ дась вӧчны сьӧкыд удж, ӧд сылӧн киыс вына.
Господьлӧн вына киыс вӧлі Илля вылын. Коссӧ вӧнялӧмӧн сійӧ котӧртіс Ахав водзвылын Изреельӧдз.
Лоӧй кесйӧгъяс кодьӧсь, кодъяс виччысьӧны асланыс ыджыдлысь кӧлысь вылысь локтӧмсӧ. Воӧм бӧрас ыджыдныс тотшкӧдчас ӧдзӧсас, да найӧ пырысь-пыр восьтасны.
