Лука 12:16 - Коми Библия 2023

¹⁶ Исус висьталіс налы велӧданвисьт: «Озыр мортлӧн муыс бур быдтас сетас.

Лука 12:16 Referans Kwoze

Осий 2:8

Сійӧ эз гӧгӧрво, мый няньсӧ, винасӧ да выйсӧ сылы Ме сеті. Ме сійӧс озырмӧді эзысь-зарниӧн, но таысь найӧ вӧчисны Ваал бӧлбанӧс.

Псалтыр 73:12

Енмӧй, Тэ водзысяньыс менам Ӧксы, Тэ вӧчан му вылас ыджыд уджъяс.

Псалтыр 73:3

Лок видзӧдлы из чукӧр вылӧ, вӧрӧг жугліс вежа крам.

Иов 12:6

Эмбур мырддялысьяслысь керкаяссӧ некод оз вӧрзьӧд, Енсӧ дӧзмӧдысьяс олӧны повтӧг, енмӧн лыддьӧны ассьыныс вынсӧ.

Ап. уджъяс 14:17

Но бур вӧчӧмнас Сійӧ век казьтывліс да казьтывлӧ Ас йывсьыс: ыстӧ миянлы енэжсяньыс зэр, сетӧ ас кадӧ вотӧс-быдтас, пӧткӧдӧ миянӧс да гажӧдӧ миянлысь сьӧлӧмнымӧс».

Матвей 5:45

Сэки лоанныд енэжвыв Батьныдлы ныв-пиӧн. Сійӧ тшӧктӧ шондіыслы ӧтмоза шонтыны лёк да бур йӧзӧс, сетӧ зэрсӧ веськыда да лёкнога олысьяслы.

Езекиль 16:49

Со татшӧм вӧлі Содом чойыдлӧн мыжыс. Содом да сылӧн нывъясыс вӧліны тшапӧсь, найӧ лышкыда да кокньыда олісны, эз отсасьны гӧльяслы да коньӧръяслы.

Матвей 13:8

Мукӧд кӧйдысыс усяс бур муӧ да ваяс уна тусь. Ӧтияс ваясны тусьсӧ сё пӧв, мӧдъяс – квайтымын пӧв, коймӧдъяс – комын пӧв.

Лука 12:15

Сэсся шуис ставныслы: «Видзчысьӧй горшасьӧмысь, ӧд мортыдлӧн олӧмыс абу сылӧн ыджыд озырлун сайын».

Лука 12:17

Сійӧ мӧвпыштас: ”Мый вӧчны? Быдтасӧй видзанінъясӧ оз тӧр”.

Иов 24:23

Енмыс видзӧ найӧс, та вӧсна налӧн эм лача, но Енмыс видзӧдӧ налӧн туй бӧрся.