Лука 11:7 - Коми Библия 2023

⁷ Мӧдыс воча шуас ӧдзӧс сайсяньыс: ”Эн дӧзмӧдчы. Ме йигнаси нин, и ныв-пиӧй узьӧны нин. Ог вермы чеччыны няньтӧ сетны”.

Лука 11:7 Referans Kwoze

Лука 13:25

Воас кад, кор керка кутысь чеччас да йигналас ӧдзӧссӧ. Ывласяньыс ӧдзӧсӧ игӧдчӧмӧн понданныд вӧзйысьны: ”Ыджыдӧй, Ыджыдӧй, восьт миянлы!” Сійӧ вочавидзас: ”Кодъяс ті? Ме ог тӧд тіянӧс”.

Галатӧ 6:17

Водзӧ энӧ сьӧктӧдӧй менӧ, ӧд вир-яйын ме нуа Господь Исуслысь дойяссӧ.

Лука 7:6

Исус муніс накӧд. Керка дорас вотӧдз на Сылы паныдасисны сё тышкамортӧн веськӧдлысьлӧн ёртъясыс. Сійӧ вӧлі мӧдӧдӧма найӧс висьтавны: «Господьӧй, эн мудзты Асьтӧ. Ме ог сулав сы доныс, медым Тэ пырин менам керка вевт улӧ.

Матвей 25:10

Мывкыдтӧм нывъяслӧн выйла ветлігкості верӧспуыд воас. Нывъяс, кодъяс вӧліны дасьӧсь, пырасны сыкӧд кӧлысь вылӧ. На бӧрся ӧдзӧссӧ йигналасны.

Сьылан 5:3

– Паськӧмӧс ме пӧрччи нин – выльысь ӧмӧй пасьтасьны? Кокӧс ме мыськи нин – бара ӧмӧй няйтӧсьтны?

Лука 11:6

Ме ордӧ туйморт кежис, а верднысӧ нинӧмӧн”.

Лука 11:8

Висьтала тіянлы: сійӧ кӧ оз чеччы да оз сет сылы ёртасьӧмыс понда, вӧчас тайӧс ёртыслӧн мырдӧн корӧмыс вӧсна да сетас сылы, мыйта колӧ.