Лука 10:42 - Коми Библия 2023

⁴² а коланаыс сӧмын ӧтитор. Марья бӧрйис бурджыксӧ, и тайӧс сылысь оз мырддьыны».

Лука 10:42 Referans Kwoze

Псалтыр 27:4

Мынтысь налы уджъясныс да лёк вӧчӧмныс серти, мынтысь налы сы серти, мый вӧчисны асланыс киӧн. Сет налы сійӧ, мый асьныс корсисны.

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Иоан 5:24

Веськыда, веськыда висьтала тіянлы: коді кывзӧ Менсьым кывъясӧс да эскӧ Менӧ Мӧдӧдысьлы, сылӧн эм помтӧм олӧм. Сійӧс оз кутны мыждыны, кулӧмсьыс сійӧ вуджис нин олӧмас.

Лука 18:22

Тайӧс кылӧм бӧрын Исус шуис сылы: «Ӧтитор оз тырмы тэныд: вузав ставсӧ, мый тэнад эм, а сьӧмсӧ сет гӧльяслы. Сэки тэныд енэжын озырлуныс вичмас. Сэсся лок Ме бӧрся».

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Псалтыр 17:15

Лэдзис Ассьыс гымньӧвъяссӧ да чардбиӧн сявкйис найӧс енэж пасьталаыс.

Марк 8:36

Лоас-ӧ мортыслы бур, босьтас кӧ аслыс став муюгыдсӧ, а олӧмсӧ воштас?

Псалтыр 142:5

Ме казьтывла важ олӧмӧс, мӧвпала став Тэнад уджъяс йылысь, мый вӧчин Аслад киӧн.

Индӧд 30:19

Талун енэжыс да муыс водзын вӧзъя тіянлы олӧм и кулӧм, бурсиӧм и ёрӧм. Бӧрйӧй олӧмсӧ, медым ті да тіянсянь чужысьяс олінныд

Лука 8:18

Видзӧдӧй, кыдзи кывзанныд. Кодлӧн эм, сылы сетасны. Кодлӧн абу, сылысь весиг чайтанасӧ босьтасны».

Лука 12:20

А Ен шуас сылы: ”Вежӧртӧмӧй, тавой босьтасны тэнсьыд ловтӧ. Кодлы коляс тэнад чӧжӧмаыд?”

1 Коринфӧ 13:3

Ме кӧ разӧда став ассьым эмбурӧс да сета ассьым вир-яйӧс сотны, а муслуныс кӧ ме пытшкын абу, тайӧ меным нинӧм оз сет.

Лука 12:33

Вузалӧй ассьыныд овмӧстӧ, сьӧмсӧ сетӧй гӧльяслы. Лӧсьӧдӧй аслыныд важмытӧм видзанінъяс да чӧжӧй бырлытӧм озырлун енэжӧ. Сэтчӧ гусясьысь оз пыр да сэні воз оз сёй.

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Лука 16:25

Ӧвраам шуис: ”Пиукӧй, эн вунӧд, мый тэ босьтін нин бурсӧ, а Лазарлы лёкыс вичмис. Ӧні сійӧ сьӧлӧмсӧ бурмӧдӧ тані, а тэ мучитчан.

Нав Исус 24:22

Исус шуис: «Ті асьныд бӧрйинныд Господьӧс да кӧсйысинныд кесъявны Сылы». Найӧ вочавидзисны: «Да, ми асьным тадзи шуим».

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

Лука 16:2

Сійӧ корас овмӧс нуӧдысьсӧ ас дінас да шуас сылы: ”Тӧдан он, мый кывсьӧ тэ йылысь? Висьтась, кыдзи тэ веськӧдлін менам овмӧсӧн. Талунсянь тэ он кут уджавны ме ордын”.

Лука 10:39

Марпалӧн вӧлі Марья нима чой. Сійӧ пуксис Господь Исуслӧн кок дорӧ да кутіс кывзыны Сылысь висьталӧмсӧ.

Лука 11:1

Ӧтчыд Исус кевмысис. Кевмысьӧм бӧрас велӧдчысьяс пиысь ӧти шуис Сылы: «Господьӧй, велӧд миянӧс кевмысьны, кыдзи Иоан велӧдіс ассьыс велӧдчысьяссӧ».

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Иоан 11:1

Вифания сиктын оліс Лазар нима морт, сійӧ висис. Сэні олісны тшӧтш Лазарлӧн Марья да Марпа чойясыс.

Иоан 11:19

Уна иудей вӧлі локтӧмаӧсь Марпа да Марья ордӧ, медым пальӧдны кулӧм вок вӧснаыс налысь шогсӧ.

Иоан 12:3

Марья босьтіс литра джын зэв дона нард вый да мавтіс Исуслысь коксӧ, сэсся чышкаліс найӧс юрсинас. Керкаас ӧвтіс чӧскыд дукӧн.