Лука 10:22 - Коми Библия 2023

²² Исус висьталіс велӧдчысьясыслы: «Ставсӧ сетіс Меным Батьӧй. Сӧмын Батьыс тӧдӧ, коді Пиыс, и сӧмын Пиыс тӧдӧ, коді Батьыс. Тӧдӧ нӧшта сійӧ, кодлы Пиыс кӧсйӧ восьтны Батьсӧ».

Лука 10:22 Referans Kwoze

Матвей 11:27

Ставсӧ сетіс Меным Батьӧй. Сӧмын Батьыс тӧдӧ Писӧ, и сӧмын Пиыс тӧдӧ Батьсӧ. Тӧдӧ нӧшта сійӧ, кодлы Пиыс кӧсйӧ восьтны Батьсӧ.

Иоан 1:18

Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.

Иоан 10:15

Кыдзи Батьӧй тӧдӧ Менӧ, сідзи Ме тӧда Батьӧс. Ассьым олӧмӧс Ме сета ыжъясӧй вӧсна.

2 Иоан 1:9

Коді торкӧ Кристослысь велӧдӧмсӧ да оз кутчысь сэтчӧ, сыкӧд Енмыс абу. Коді кутчысьӧ Кристослӧн велӧдӧмас, сыкӧд Батьыс и Пиыс.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Иоан 17:26

Ме велӧді найӧс тӧдны Тэнсьыд нимтӧ да нӧшта на велӧда, медым Ме вӧлі на пытшкын, и медым на пытшкын вӧлі сэтшӧм жӧ муслун, кутшӧм Тэнад муслуныд Ме дінӧ».

Иоан 17:2

Тэ индін Питӧ ыджыдавны быдӧн вылын. Сійӧ сетас помтӧм олӧм быдӧнлы, кодӧс Тэ сетін Сылы.

Матвей 28:18

Велӧдчысьяс дінӧ матыстчӧмӧн Исус шуис: «Меным сетӧма ыджыдавны енэжын да му вылын.

Иоан 13:3

Исус тӧдіс, мый Батьыс ставсӧ сетіс Сы киӧ, мый Сійӧ локтіс Енсянь да бӧр Сы дінӧ мунӧ.

Иоан 3:35

Пиыс муса Батьыслы, и Батьыс ставсӧ сетіс Сы киӧ.

Еврейяслы 2:8

ставсӧ пуктін сы кок улӧ. Енмыс ставсӧ сетіс морт кипод улӧ, сылы нинӧм эз коль сеттӧмыс. Дерт, ӧні оз на тыдав, мый ставсӧ нин сетӧма морт кипод улӧ.

Ефесӧ 1:21

юралысь-веськӧдлысьясысь, вынаяс-ыджыдалысьясысь да быд нимысь медся вылӧ тайӧ нэмас и локтанаас.

1 Коринфӧ 15:24

Кор Кристос бырӧдас быдпӧлӧс ыджыдалысьясӧс, веськӧдлысьясӧс да вынаясӧс, сэки Ассьыс юралӧмсӧ Сійӧ сетас Ен Батьыслы. Та бӧрти лоӧ пом.

Иоан 17:10

Ставыс, мый Менам, сійӧ Тэнад, а мый Тэнад – сійӧ Менам. Менам дзирдлунӧй воссяс на пыр.

Иоан 17:5

Батьӧй, ӧні сет Меным сійӧ жӧ дзирдлунсӧ, кутшӧм вӧлі Менам дзирдлунӧй му пуксьытӧдзыс на, кор Ме вӧлі Тэкӧд.

Матвей 11:25

Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.