Лука 10:2 - Коми Библия 2023

² Сійӧ шуис налы: «Вунданыс уна, а вундысьыс этша. Кевмӧй вунданінын Ыджыдыслы, мед ыстас Аслас вунданінӧ уджалысьясӧс.

Лука 10:2 Referans Kwoze

1 Фессалоникаӧ 5:12

Вокъяс, корам тіянӧс: пыдди пуктӧй тіян пӧвстын уджалысьясӧс, Господькӧд ӧтувъя олӧмас тіянӧс туйдӧдысьясӧс да тіянӧн веськӧдлысьясӧс.

Марк 16:15

Сэсся шуис налы: «Мунӧй став муюгыд пасьтала да висьталӧй Евангелльӧсӧ ставныслы.

2 Тимофейлы 4:5

Но тэнад вежӧрыд мед лоӧ ясыд быдторйын, сьӧкыд нуигъясад кутчысь, висьтавлы Бур Юӧрсӧ да кесъяв помӧдз.

2 Фессалоникаӧ 3:1

Вокъяс, медбӧрти корам тіянӧс: кевмысьӧй миян вӧсна, мед Господьлӧн кывйыс ӧдйӧ паськалас, медым йӧзыс тіян моз сибӧдасны сійӧс пыдди пуктӧмӧн.

Марк 13:34

Тайӧс позьӧ ӧткодявны морткӧд, коді гортсьыс мунігӧн кольӧ ассьыс керкасӧ кесйӧгъяслы да быдӧнлы сетӧ удж, а керкасӧ видзысьлы тшӧктӧ лоны дасьӧн.

1 Тимофейлы 4:10

Ми ёна мырсям да нуам лёкӧдӧмсӧ, ӧд лачанымӧс кутам ловъя Ен вылӧ. Сійӧ – быдӧнлы Мездысь, торйӧн нин эскысьяслы.

Ап. уджъяс 22:21

Господь шуис меным: ”Мун, Ме мӧдӧда тэнӧ ылӧ ентӧдтӧмъяс дінӧ”».

Ап. уджъяс 20:28

Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн.

Ап. уджъяс 13:4

Тадзи Варнава да Савл, Вежа Лолӧн мӧдӧдӧмаяс, локтісны Селевкияӧ. Сэсянь кывтісны Кипрӧ.

Ап. уджъяс 13:2

Кор найӧ видзалӧмӧн кесъялісны Господьлы, Вежа Лов шуис: «Торйӧдӧй Меным Варнаваӧс да Савлӧс, Ме кори найӧс торъя удж вӧчны».

Ап. уджъяс 11:19

Степанӧс виӧм бӧрын дзескӧдӧм вӧсна разалӧмаяс мунісны Финикияӧдз, Кипрӧдз да Антиокияӧдз. Енлысь кывсӧ иудейяслы кындзи найӧ некодлы эз висьтавлыны.

Ап. уджъяс 8:4

Разӧдчӧм эскысьяс ветлӧдлісны да висьтавлісны Бур Юӧр.

Лука 9:1

Исус корис дас кыкнан велӧдчысьсӧ да сетіс налы вын вӧтлавны пеж ловъясӧс да бурдӧдавны йӧзӧс висьӧмъясысь.

Марк 16:20

А велӧдчысьясыс мунісны да быдлаын висьтавлісны Бур Юӧр. Господь отсаліс налы да вынсьӧдіс Юӧрсӧ индысьпасъясӧн. Аминь.

Матвей 20:1

«Енэжвыв Юралӧмыс татшӧм. Овмӧс кутысь водз асывнас мунас медавны аслас виноград йӧрӧ уджалысьясӧс.

Закар 11:17

– Курыд шог шогмытӧм видзысьлы, коді эновтіс ыж чукӧрсӧ! Шыпурт мед керыштас сылысь кисӧ да перъяс сылысь веськыд синсӧ! Мед сылӧн киыс дзикӧдз косьмас да сылӧн веськыд синмыс пемдас!»

Еремей 3:15

Ме сета тіянлы видзысьясӧс, кодъяс лоӧны Меным сьӧлӧм серти. Найӧ пондасны видзны тіянӧс мывкыдлунӧн да вежӧрлунӧн.

Филипӧ 2:25

Но медводз лыддя коланаӧн мӧдӧдны тіян дінӧ Епафродит вокӧс, ассьым уджъёртӧс да отсасьысьӧс. Ті мӧдӧдлінныд сійӧс, медым сетны меным колана отсӧг.

Филипӧ 2:21

Ставныс сӧмын ас вӧснаныс тӧждысьӧны, оз Исус Кристослы кесъялӧм вӧсна.

1 Коринфӧ 12:28

Вичкоын Енмыс медводз сувтӧдіс апостолъясӧс, сэсся пророкъясӧс, сэсся велӧдысьясӧс. Мукӧдыслы Енмыс сетіс вын вӧчны шензьӧданаторъяс, мукӧдыслы – сямлун бурдӧдны, кодлыкӧ – отсасьны йӧзыслы, кодлыкӧ – веськӧдлыны, а кодлыкӧ – сёрнитны мукӧд кывъяс вылын.

Лыд 11:17

Ме лэчча да кута сёрнитны сэні тэкӧд. Тэ вылысь Ловсӧ Ме юкла да пукта тшӧтш на вылӧ. Сэки найӧ тэкӧд ӧтвылысь пондасны нуны войтыр вӧсна сьӧкыдсӧ, а он нин тэ ӧтнад.

Колосӧ 1:29

Та могысь ме уджала да вермася ме пытшкын олысь Кристос вынӧн.

Филипӧ 2:30

Кристослы кесъялігӧн сійӧ ӧдва эз кув, ӧдва эз вошты ассьыс олӧмсӧ, но отсасис меным, кор ті энӧ вермӧй отсасьнысӧ.

Еврейяслы 3:6

Ен керкаын Пиыс – Кристос, Сійӧ кывкутӧмӧн веськӧдлӧ ставнас Ен керканас. Ен керкаыс – тайӧ ми, лоам кӧ повтӧмӧсь да помӧдз кутам зумыда кутчысьны лачаас, мыйӧн ошйысям.

1 Фессалоникаӧ 2:9

Вокъяс, ті тӧданныд, Енлысь Бур Юӧрсӧ висьтавлігӧн ми уджалім кок йылысь усьтӧдз. Мырсим лун и вой, ӧд тіян пӧвстысь некодӧс эгӧ кӧсйӧй сьӧктӧдны.

Колосӧ 4:12

Чолӧм ыстӧ тіян Епафрасныд, Исус Кристослӧн кесйӧг. Кевмысигас сійӧ пыр тышын тіян вӧсна, мед эськӧ ті век сулалінныд зумыда да быдторйын тӧдінныд Енлысь кӧсйӧмсӧ.

2 Коринфӧ 6:1

Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.

1 Коринфӧ 15:10

Но Енлӧн буралӧмыс вӧсна ме сэтшӧм, кутшӧм эм. Сылӧн буралӧмыс ме дінӧ эз вӧв весьшӧрӧ, ӧд ме уджалі мукӧд апостол дорысь ёнджыка на. Дерт, ме эг ачым уджав, а ме пытшкын олысь Енлӧн буралӧмыс уджаліс.

Закар 11:5

Ыжъясӧс ньӧбысь кор начкӧ найӧс, таысь оз кыв асьсӧ мыжаӧн. Ыжъясӧс вузалысь шуалӧ: ”Аттьӧ Господьлы! Ме озырми”. Ыжъяс понда весиг видзысьныслӧн сьӧлӧмыс оз нормы.

Ӧксыяслӧн 3 небӧг 18:22

Сэки Илля шуис войтырыслы: «Господьлӧн пророкъясысь ме ӧтнам коли, а Вааллӧн пророкъясыс – нёльсё ветымын морт. [Нӧшта Астарталӧн – нёльсё пророк.]

Лыд 11:29

Но Мӧисей шуис сылы: «Ме вӧсна-ӧ тэ тӧждысян? Ме эськӧ кӧсйи, медым Господь став Аслас войтыр вылӧ мӧдӧдіс Ассьыс Ловсӧ, и ставныс вӧліны пророкъясӧн!»

Филимонлы 1:1

Гижӧ Павел. Исус Кристос вӧсна ме пукала дзескыдінын. Тимофей воккӧд ми чолӧмалам муса Филимон уджъёртнымӧс.

Псалтыр 68:11

Кор ме видзала да бӧрда, таысь менӧ серамвыв лэптӧны.

Восьтӧм 2:1

«Ефес вичкоса анделлы тадзи гиж: Со мый висьталӧ Сійӧ, коді кутӧ веськыд киас сизим кодзув да ветлӧдлӧ сизим зарни бикок пӧвстӧд.