Лука 1:32 - Коми Библия 2023

³² Ыджыд морт Сыысь петас, Сійӧс шуасны Медвылыссалӧн Пиӧн. Господь Ен сетас Сылы Давид батьыслысь юралан пуклӧссӧ.

Лука 1:32 Referans Kwoze

Исай 16:5

Сэки лоӧ сувтӧдӧма юралан пуклӧс, юралӧмыс зумыдмас буралӧмӧн. Сэтчӧ пуксяс Давид рӧдысь збыльыс серти юралысь, веськыда мыждысь, веськыдлунсӧ вӧчысь.

Лука 1:35

Андел вочавидзис: «Вежа Лов лэччас тэ вылӧ, Медвылыссалӧн выныс вевттяс тэнӧ. Та вӧсна тайӧ чужысьыс вежа, Сійӧс шуасны Ен Пиӧн.

Марк 5:7

да лёкгоршӧн горӧдіс: «Мый Тэныд месянь колӧ, Исус, Медвылысса Енлӧн Пи? Енмӧн кора, эн пес менӧ!»

Восьтӧм 3:7

«Филадельфия вичкоса анделлы тадзи гиж: Со мый висьталӧ Вежаыс да Збыльыс, код ордын Давидлӧн восьтаныс. Сійӧ восьтӧ, и некод оз вермы тупкыны. Сійӧ тупкӧ, и некод оз вермы восьтны. Сійӧ висьталӧ:

Лука 1:76

Тэнӧ, кагаӧй, пуктасны Медвылыссалӧн пророкӧ. Тэ мунан Господь водзын дасьтыны туйсӧ Сылы,

Матвей 28:18

Велӧдчысьяс дінӧ матыстчӧмӧн Исус шуис: «Меным сетӧма ыджыдавны енэжын да му вылын.

Римӧ 1:4

Кулӧмысь ловзьӧмнас Сійӧ воссис Вына Ен Пиӧн да Ловсянь вежаӧн. Сійӧ – Исус Кристос, миян Господь.

Ап. уджъяс 2:30

Давид вӧлі пророкӧн. Енмыс кыв сетӧмӧн кӧсйысис Давидлы, мый пуксьӧдас сылӧн юралан пуклӧсӧ сысянь чужысьӧс – Кристосӧс. Давид тӧдіс тайӧс,

Ӧксыяслӧн 2 небӧг 7:16

Тэнад рӧдыд да ӧксыалӧмыд пыр кежлӧ лоӧ Ме водзын зумыд. Тэнад юралан пуклӧсыд кутас сулавны нэмъяс чӧж».

Матвей 1:1

Исус Кристослӧн ордпуыс петӧ Ӧвраамсянь, сэсся Давидсянь. Сылӧн чужанвужйыс татшӧм.

Ап. уджъяс 16:17

Тайӧ аньыс вӧтчис Павел да миян бӧрся, сійӧ горзӧмӧн шуаліс: «Тайӧ йӧзыс Медвылысса Енлӧн кесйӧгъяс. Найӧ юӧртӧны миянлы, кыдзи мездмынысӧ».

Ап. уджъяс 2:36

Бура тӧдӧй ставныд, Израиль войтыр: Ен пуктіс Господьӧн да Кристосӧн тайӧ Исусӧс, кодӧс ті тувъялінныд».

Иоан 12:34

Йӧзыс шуисны Сылы: «Ми тӧдам Индӧдысь, мый Кристос помтӧг олӧ. Сідзкӧ, мыйла Тэ шуан, Морт Пиӧс пӧ кыпӧдасны? Коді сійӧ Морт Пиыс?»

Иоан 6:69

Ми эскам да тӧдам: Тэ – Кристос, ловъя Енлӧн Пи».

Марк 14:61

Исус чӧв оліс, нинӧм эз вочавидз. Аркирей юаліс Сылысь: «Тэ-ӧ Кристос, ошкана Енмыслӧн Пиыс?»

Ап. уджъяс 7:48

А Медвылысса оз ов киӧн вӧчӧм крамын. Пророк висьталӧ:

Матвей 3:11

Ме пырта тіянӧс ваӧн. Тайӧ петкӧдлас мыжъяссьыныд бергӧдчӧмнытӧ. Ме бӧрын Локтысьыс ме дорысь вынаджык, ме ог шогмы пӧрччӧдны Сылысь кӧмсӧ. Сійӧ пыртас тіянӧс Вежа Лолӧн да биӧн.

Лука 6:35

Ті, мӧдарӧ, радейтӧй тіянӧс мустӧмтысьясӧс, вӧчӧй бурсӧ да водзӧсӧн сетӧй, но энӧ виччысьӧй бӧрсӧ. Сэки вичмас тіянлы ыджыд тырдон. Ті лоанныд Медвылыссалы ныв-пиӧн, ӧд Сійӧ бур сьӧлӧма бурсӧ вунӧдысьяс дінӧ да лёкъяс дінӧ.

Лука 3:16

Иоан шуис налы: «Ме пырта тіянӧс ваӧн, но локтӧ меысь вынаджык, ме ог шогмы разьны Сылысь кӧмкот кӧвсӧ. Сійӧ пыртас тіянӧс Вежа Лолӧн да биӧн.

Лука 1:15

Господь водзын сійӧ лоас ыджыд мортӧн, вина-сур оз кут юны, мам кынӧмас на сійӧ тырас Вежа Лолӧн.

Матвей 12:42

Лунвыв муысь ӧксы-ань сувтас мыждан лунӧ ӧнія олысьяскӧд да мыжалас найӧс. Ӧд му помсяньыс сійӧ воліс кывзыны Соломонлысь мывкыд сёрнисӧ. Но тані тіянкӧд Сійӧ, коді Соломон дорысь ыджыдджык».

Еремей 17:25

сэки тайӧ карас локтасны асланыс йӧзкӧд ӧксыяс, кодъяс пукалӧны Давидлӧн юралан пуклӧсын. Найӧ пырасны карса дзиръяӧд тарантасъясӧн да вӧвъясӧн. Накӧд тшӧтш локтасны Иудаын да Ерусалимын олысьяс, и тайӧ карас пыр лоӧны олысьяс.

Еремей 22:2

тэ, иудаса ӧксы, Давидлӧн юралан пуклӧсын пукалысь, тэнад кесъялысьясыд да тэнад войтырыд, коді пырӧ-петӧ тайӧ дзиръяӧдыс, кывзӧй Господьлысь кывсӧ!

Даниил 2:44

Тайӧ юралӧмас ыджыдалысь ӧксыяс дырйи енэжвывса Ен сувтӧдас сэтшӧм юралӧм, кодӧс оз ло бырӧдӧма и оз ло сетӧма мукӧд войтырлы. Тайӧ юралӧмыс жугӧдас да бырӧдас став воддза юралӧмсӧ, а ачыс лоӧ зумыд нэмъяс чӧж.