Лука 1:15 - Коми Библия 2023

¹⁵ Господь водзын сійӧ лоас ыджыд мортӧн, вина-сур оз кут юны, мам кынӧмас на сійӧ тырас Вежа Лолӧн.

Лука 1:15 Referans Kwoze

Еремей 1:5

– Сыӧдз, кор Ме вӧчи тэнӧ мам кынӧмад на, Ме вӧлі тӧда нин тэнӧ. Сыӧдз, кор Ме вӧчи тэнӧ, мам кынӧмсьыд петтӧдз на, Ме вежӧді тэнӧ, пукті тэнӧ войтыръяслы пророкӧ.

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.

Галатӧ 1:15

Но Енмыс менӧ мам кынӧмсянь нин бӧрйӧма да Аслас буралӧмнас корӧма.

Ап. уджъяс 2:4

Сэки ставныс найӧ тырисны Вежа Лолӧн да пондісны сёрнитны мукӧд кывъяс вылын, кыдзи Лов сетіс налы висьтавнысӧ.

Лука 7:33

Пыртысь Иоан локтіс, нянь оз сёй, вина оз ю, и ті шуанныд, сы пытшкын пӧ пеж лов.

Нав Исус 4:14

Тайӧ лунӧ Господь нимӧдіс Исусӧс став Израильлӧн син водзын. Мӧисейӧс моз войтырыс пыдди пуктіс Исусӧс став сылӧн олан лунъяс чӧжыс.

Лука 7:28

Висьтала тіянлы: му вылын чужысь пророкъясысь эз вӧвлы Пыртысь Иоанысь ыджыдджыкыс, но Енлӧн Юраланінын медічӧтыс сы дорысь ыджыдджык.

1 Каднебӧг 17:8

Ме вӧлі тэкӧд быдлаын, кытчӧ тэ ветлін. Ме бырӧді тэ водзысь вӧрӧгтӧ. Ӧні Ме нимӧда тэнӧ, кыпӧда тэнӧ мувывса нималана йӧзысь вылӧджык на.

Нав Исус 3:7

Господь шуис Исуслы: «Талун Ме нимӧда тэнӧ став Израиль войтыр водзын. Найӧ тӧдмаласны, мый Ме тэкӧд, кыдзи вӧлі и Мӧисейкӧд.

Закар 9:15

Господь Саваоф доръяс Ассьыс войтырсӧ. Найӧ ньылыштасны вӧрӧгнысӧ, кок уланыс таляласны вӧрӧглысь лыйсян изъяссӧ, пондасны равзыны вина юысьяс моз, вир резан тасьті моз вирӧссясны, лоӧны вирӧн резӧм висьпуктанін пельӧс кодьӧсь.

1 Каднебӧг 29:12

Тэ сетан озырлунсӧ да нималӧмсӧ, Тэ веськӧдлан ставнас, Тэнад киын выныс да ыджыдалӧмыс, Тэ верман кыпӧдны да вынсьӧдны.

Олӧм 48:19

Но батьыс шуис сылы паныд: «Тӧда, пиӧй, тӧда. Сысянь тшӧтш чужас войтыр, и сійӧ лоас ыджыдӧн. Но ичӧтджык вокыс лоас ыджыдджык, и сысянь чужас унасьыс-уна войтыр».

Олӧм 12:2

Ме сета тэсянь чужны унасьыс-уна войтырлы, бурсиа да нимӧда тэнӧ, и тэ лоан мукӧдлы бурсиӧмӧн!

Иоан 5:35

Иоан вӧлі яръюгыда ӧзъялысь би, сӧмын этша кад ті кӧсйинныд нимкодясьны сылӧн югӧр улын.

Левит 10:9

«Вина-сур юӧм бӧрын энӧ пырӧй вежа чомйӧ [да энӧ матыстчӧй висьпуктанін дорӧ], медым энӧ кулӧй. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Еремей 35:6

Но найӧ вочавидзисны: «Винатӧ ми огӧ юӧй, ӧд Рекавлӧн Ионадав пиыс, миян батьным, ӧлӧдіс миянӧс: ”Некор энӧ юӧй винатӧ ни ті, ни тіян челядьныд.

Лука 1:14

Долыд гажӧн тырас тэнад сьӧлӧмыд, уна йӧзлы нимкодьлун ваяс сылӧн чужӧмыс.