Левит 9:24 - Коми Библия 2023

²⁴ Господьсянь петіс би да сотіс висьпуктанін вылысь сотан висьсӧ да госсӧ. Тайӧс аддзӧм бӧрын войтырыс нимкодьысла горӧдіс да кымынь уськӧдчис муӧ.

Левит 9:24 Referans Kwoze

Ёрдысьяс 6:21

Господьлӧн андел нюжӧдіс бедьсӧ, мый вӧлі киас, да бедь йывнас инмӧдчис яйӧ да шомтӧм няньӧ. Сэки изйысь ыпнитіс би да ньылыштіс яйсӧ няньыскӧд. Та бӧрын Господьлӧн андел муніс Гедеон дінысь.

1 Каднебӧг 21:26

Сэсся гумла вылас вӧчис Господьлы висьпуктанін да сы вылын вайис сотан да бурасян висьяс. Давид шыасис Господь дінӧ, и Господь вочавидзис сылы да висьпуктанін вылӧ ыстіс енэжсянь би.

Псалтыр 80:1

Сьылысьясӧн веськӧдлысьлы. Ворсӧны гефса ворсанторйӧн. Асафлӧн псалом.

Ёрдысьяс 13:23

Гӧтырыс шуис сылы: «Господь кӧ кӧсйис вины миянӧс, миянлысь эськӧ сотан висьтӧ да нянь висьтӧ эз сибӧд, ставсӧ тайӧс аддзывны эз сет да татшӧмторсӧ водзвыв эз юӧрт».

Левит 6:13

Висьпуктанінса биыс мед куслытӧг ӧзъялас».

Петӧм 3:2

Сэні ӧзъялысь лежнӧг пытшкын сылы петкӧдчис Господьлӧн андел. Мӧисей аддзис, мый лежнӧгыс ыпъялӧ биӧн, но оз сотчы.

Олӧм 15:17

Шонді пуксьӧм бӧрын лои сап пемыд. Шӧрипӧв керыштӧм пемӧсъяс костті пачысь моз пуркнитіс тшын да мунісны ыпъялысь би кывъяс.

Восьтӧм 7:11

Сэки став анделыс, кодъяс кытшалісны юралан пуклӧссӧ, юрнуӧдысьясӧс да нёль ловъя олысьсӧ, кымынь уськӧдчисны пуклӧс водзӧ да копыртчылісны Енмыслы.

Восьтӧм 5:8

Гижӧдсӧ босьтӧм бӧрын нёль ловъя олысьыс да кызь нёль юрнуӧдысьыс уськӧдчисны Баля водзӧ. Быдӧн на пиысь киас кутіс арфа да ладан тыра зарни доз. Ладан тшыныс – тайӧ вежа войтырлӧн кевмысьӧмъясыс.

Матвей 26:39

Ачыс водзлань муныштіс да кымынь уськӧдчӧмӧн кевмысис: «Батьӧй, позьӧ кӧ, вешты Ме дінысь тайӧ чашасӧ. Сӧмын мед лоас Тэнад кӧсйӧм серти, а оз Менам».

Ездра 3:11

Господьӧс ошкӧмӧн да нимӧдӧмӧн найӧ сьылісны: Господь бур, Сылӧн буралӧмыс Израиль дінӧ оз помасьлы! Став войтырыс гораа горзӧмӧн ошкис Господьӧс. Ошкисны Господьӧс сыысь, мый крамлысь подувсӧ лои пуктӧма.

Восьтӧм 4:9

Кор ловъя олысьяс ошкӧны-нимӧдӧны да аттьӧалӧны юралан пуклӧсын Пукалысьӧс, помтӧг Олысьӧс,

2 Каднебӧг 6:2

[Вежа Енмӧй,] Тэныд ме лэпті керка, медым Тэ олін сэні нэмъяс чӧж».

Ӧксыяслӧн 4 небӧг 19:15

Езекей пондіс кевмысьны: «Господьӧй, Израильлӧн Енмӧй! Тэ пукалан херувимъяс вылын. Тэ – ӧти Ен, Тэ ыджыдалан став му пасьталаыс. Тэ вӧчин енэжсӧ и мусӧ.

Лыд 16:22

Но Мӧисей да Аарон кымынь уськӧдчисны муас да шуисны: «Енмӧй, Тэ став ловъя олысьыслӧн Ен! Тэ ӧмӧй став войтырыс вылӧ скӧрман ӧти мортлӧн мыж вӧсна?»

Лыд 14:5

Мӧисей да Аарон кымынь уськӧдчисны муӧ став Израиль войтыр водзӧ.

Олӧм 17:3

Ӧврам кымынь уськӧдчис муас, а Ен шуис:

Левит 10:2

Сэки петіс Господьсянь би да сотіс найӧс, и найӧ кулісны Господь чужӧмбан водзын.

Лыд 23:21

Яковлӧн шогыс абу, Израильлӧн ставыс бур. Господь, налӧн Енмыс, накӧд, ӧксыӧс моз найӧ паныдалӧны Сійӧс.