Левит 9:2 - Коми Библия 2023

² Ааронлы сійӧ шуис: «Мыжысь вись пыдди вайӧд дзоньвидза ӧшпиӧс, сотан вись пыдди – дзоньвидза межӧс. Сувтӧд найӧс Господь водзӧ.

Левит 9:2 Referans Kwoze

Левит 4:3

Мавтыштӧм поп кӧ мыж вӧчас, и сылӧн мыж вӧчӧмысь лоӧ мыжа став войтырыс, сэки сійӧ ас вӧснаыс мед ваяс Господьлы мыжысь вись пыдди дзоньвидза ӧшкӧс.

Еврейяслы 7:27

Мукӧд аркирейлы моз Сылы абу колана быд лун вись вайны медводз аслас мыжъяс вӧсна, сэсся йӧзлӧн мыжъяс вӧсна. Ӧд Сійӧ вайис нин Асьсӧ вись пыдди ӧтчыдысь да пыр кежлӧ.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Левит 8:18

Сотан вись вайӧм могысь Мӧисей вайӧдіс межӧс. Аарон да сылӧн пияныс пуктылісны кинысӧ межлы юр вылас.

Левит 8:14

Мыжысь вись вайӧм могысь Мӧисей вайӧдіс ӧшкӧс. Аарон да сылӧн пияныс пуктылісны кинысӧ ӧшлы юр вылас.

Петӧм 29:1

«Ааронӧс да сылысь пиянсӧ вежӧд, медым найӧ кесъялісны Меным попъясӧн. Бӧрйы ӧшкӧс да дзоньвидза кык межӧс.

Еврейяслы 5:3

Та вӧсна сылы колӧ вайны вись оз сӧмын йӧзлӧн мыжъяс вӧсна, но и аслас мыжъяс вӧсна.

Левит 9:3

Израиль пиянлы висьтав, мед вайӧдасны мыжысь вись пыдди ай кӧзаӧс, а сотан вись пыдди – арӧса да дзоньвидза [межӧс,] ӧшкӧс да баляӧс.

Езекиль 29:1

Дасӧд вонас дасӧд тӧлысьлӧн дас кыкӧд лунӧ меным вӧлі Господьсянь кыв:

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

Левит 1:10

Сотан висьнас кӧ лоӧ ыж либӧ кӧза, вись вайысь мед ваяс дзоньвидза ай пемӧсӧс да [сылы юр вылас кисӧ пуктылӧм бӧрын]

Левит 16:3

Вежаинӧ пыригӧн Аарон мед вайӧдас мыжысь вись пыдди ӧшкӧс да сотан вись пыдди межӧс.

Левит 16:5

Израиль войтыр мед ваяс сылы кык ай кӧзаӧс мыжысь вись пыдди да ӧти межӧс сотан вись пыдди.