11 Яйсӧ да кучиксӧ сотіс биын чомъяс сайын.
А ӧшлысь яйсӧ, кучиксӧ да сювсӧ сотіс чомъяс сайын. Тадзи Господь тшӧктіс Мӧисейлы.
Начкӧм ӧшсӧ мед петкӧдас чомъяс сайӧ да сотас, кыдзи таӧдз вӧлі тшӧктӧма сотны ӧшсӧ. Тайӧ лоӧ мыжысь вись, сійӧс колӧ вайны войтырлӧн мыж вӧсна.
Мыжысь висьлысь госсӧ, вӧркъяссӧ да мус вывсьыс госа юкӧнсӧ сотіс висьпуктанін вылын. Тадзи Господь тшӧктіс Мӧисейлы.
Сэсся Аарон начкис сотан вись. Сылӧн пияныс мыччисны сылы висьлысь вирсӧ. Вирнас сійӧ резіс висьпуктанінсӧ быд боксянь.
