Левит 8:23 - Коми Библия 2023

²³ Сэсся Мӧисей начкис межсӧ, босьтіс сылысь вирсӧ да мавтыштіс Ааронлысь веськыд пельтугсӧ, веськыд кисьыс певсӧ да веськыд коксьыс ыджыд чуньсӧ.

Левит 8:23 Referans Kwoze

Петӧм 29:20

Начкы межсӧ, босьт сылысь вирсӧ да мавтышт Ааронлысь да пияныслысь веськыд пельтугнысӧ, веськыд кисьыс певнысӧ да веськыд коксьыс ыджыд чуньнысӧ. Сэсся вирнас рез висьпуктанінсӧ быд боксянь.

Левит 14:17

Ки пыдӧсас кольӧм выйнас поп мед мавтыштас сӧстӧммӧдчысь мортлысь веськыд пельтугсӧ, веськыд кисьыс певсӧ да веськыд коксьыс ыджыд чуньсӧ – ставсӧ, мый вӧлі мавтыштӧма мыж вештан вись вирӧн.

Левит 14:14

Поп мед босьтас мыж вештан висьлысь вирсӧ да мавтыштас сӧстӧммӧдчысь мортлысь веськыд пельтугсӧ, веськыд кисьыс певсӧ да веськыд коксьыс ыджыд чуньсӧ.

Филипӧ 2:17

Весиг ковмас кӧ кисьтны ассьым вирӧс да вайны ачымӧс вись пыдди тіян эскӧмныд вӧсна, тіянкӧд ӧтвыв кута нимкодясьны.

Филипӧ 1:20

Лача кута, мый меным нинӧмысь лоӧ яндысьнысӧ, но воддза мозыс лоа повтӧмӧн да кута водзӧ вайны Кристослы ошкӧмсӧ аслам вир-яйын – олӧмӧн али кулӧмӧн.

1 Коринфӧ 6:20

Енмыс ньӧбис тіянӧс ыджыд дон вылӧ. Сідзкӧ, ошкӧй Енсӧ вир-яйнад и ловнад, ӧд ставыс Сылӧн.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

1 Коринфӧ 1:2

ми чолӧмалам тіянӧс, Енлысь коринфса вичкосӧ. Исус Кристос пыр Енмыс вежӧдіс тіянӧс да корис лоны Аслас вежа войтырӧн. Ми чолӧмалам быдӧнӧс, коді быдлаын миян моз шыасьӧ Исус Кристос Господьным дінӧ.

Римӧ 12:1

Вокъяс, Енлӧн ыджыд буралӧмыс вӧсна кора тіянӧс: сетӧй асьнытӧ Енлы ловъя, вежа да шогмана вись пыдди. Тайӧ лоӧ бур мывкыда кесъялӧм Енмыслы.

Римӧ 6:19

Ме сёрнита тіянкӧд быдлунъя олӧмсьыс босьтӧм кывъясӧн, медым ті верминныд гӧгӧрвоны менӧ. Водзын кӧ ті вир-яйныдлысь быд юкӧн сетінныд пежыслы вӧчны лёк уджъяс, ӧні быд юкӧн сетӧй веськыдлуныслы вӧчны вежа уджъяс.

Римӧ 6:13

Вир-яйныдлысь весиг ӧти юкӧн энӧ сетӧй мыжыслы лёксӧ вӧчӧм вылӧ. Ӧні ті – кулӧмысь ловзьӧмаяс. Сідзкӧ, сетӧй асьнытӧ да вир-яйныдлысь быд юкӧн Енмыслы, мед вӧчны веськыд уджъяс.

Левит 14:28

Ки пыдӧсас кольӧм выйнас поп мед мавтыштас сӧстӧммӧдчысь мортлысь веськыд пельтугсӧ, веськыд кисьыс певсӧ да веськыд коксьыс ыджыд чуньсӧ – ставсӧ, мый вӧлі мавтыштӧма мыж вештан вись вирӧн.

Еврейяслы 5:8

Исус эм Енлӧн Пи, но сьӧкыдсӧ нуигӧн Сійӧ велӧдчис кывзысьны.

Еврейяслы 2:10

Енмыс, кодсянь ставыс эм да кодлы ставыс, кӧсйӧ уна ныв-пиӧс вайӧдны Аслас дзирдлунӧ. Та вӧсна Исуслы, мездмӧмас Нуӧдысьлы, Енмыс лэдзис нуны сьӧкыдсӧ, медым Сы пыр помӧдз вайӧдны Ассьыс мӧвпыштӧмсӧ.

1 Фессалоникаӧ 5:22

Ылыстчӧй быдпӧлӧс лёксьыс.

Петӧм 29:21

Босьт висьпуктанін вылысь вир, босьт мавтыштан вый да рез наӧн Ааронӧс, сылысь пиянсӧ да налысь паськӧмнысӧ. Тадзи Аарон, сылӧн пияныс да налӧн паськӧмныс лоӧны вежаӧсь.

Левит 7:37

Тайӧ вӧлі сотан вись, нянь вись, мыжысь вись, мыж вештан вись, попӧ сувтӧдан вись да бурасян вись йылысь индӧд.

Левит 14:25

Поп мед начкас мыж вештан вись пыдди вайӧм межӧс, босьтас сылысь вирсӧ да мавтыштас сӧстӧммӧдчысь мортлысь веськыд пельтугсӧ, веськыд кисьыс певсӧ да веськыд коксьыс ыджыд чуньсӧ.