Левит 8:15 - Коми Библия 2023

¹⁵ Мӧисей начкис ӧшсӧ, сэсся чуньсӧ кӧтӧдіс ӧш вирнас да мавтыштіс висьпуктанінлысь сюръяссӧ быд боксянь, медым сӧстӧммӧдны висьпуктанінсӧ. Коляс вирсӧ койыштіс висьпуктанін улӧ. Тадзи Мӧисей вежӧдіс-сӧстӧммӧдіс висьпуктанінсӧ.

Левит 8:15 Referans Kwoze

Левит 4:7

Поп мед мавтас тайӧ вирнас Господь водзын вежа чомйын сулалысь тшынӧдчан висьпуктанінлысь сюръяссӧ, а коляс вирсӧ мед кисьтас вежа чом пыранін дорын сулалысь висьпуктанін улӧ.

Еврейяслы 2:17

Кристослы ковмис лоны морт кодьӧн, Аслас вокъяс кодьӧн, медым лоны бур сьӧлӧма да Енлысь кывзысьысь Аркирейӧн да босьтны Ас вылас йӧзлысь мыжъяссӧ.

Ефесӧ 2:16

Крест вылын кувлӧмнас Сійӧ бырӧдіс лёксьӧмсӧ. Тадзи ӧти вир-яйын Кристос бурӧдіс Енмыскӧд кыкнан войтырсӧ.

Римӧ 5:10

Ми кӧ, Енмыслы коркӧя паныд сувтысьяс, бурасим Сыкӧд Пиыслӧн кулӧм пыр, дерт нин, ӧні ми, бурасьӧмаяс, мездмам Кристослӧн олӧм пыр.

Даниил 9:24

Сизимдасысь сизим во индӧма тэнад войтырлы да тэнад вежа карлы, медым дугӧдны лёкнога олӧмсӧ, пуктыны пом лёк вӧчӧмлы да вештыны мыжсӧ, медым пыр ыджыдаліс веськыдлун, медым вынсьӧдны аддзылӧм-петкӧдчылӧмъяс да пророклысь кывсӧ, мавтыштны Вежасьыс-вежаинсӧ.

Езекиль 45:20

Тадзи вӧчӧй тшӧтш тӧлысьыслӧн сизимӧд лунӧ на вӧсна, кодъяс мыж вӧчисны мӧвпышттӧг либӧ гӧгӧрвотӧг. Тадзи сӧстӧммӧдӧй крамсӧ.

2 Каднебӧг 29:24

Попъяс начкисны кӧзаясӧс да налысь вирсӧ мыжысь вись пыдди вайисны висьпуктанін вылын, медым вештыны Израиль войтырлысь мыжсӧ, ӧд ӧксы тшӧктіс вайны сотан вись да мыжысь вись став Израиль войтыр вӧсна.

Левит 16:20

Вежасьыс-вежаинсӧ да ставнас вежа чомсӧ, висьпуктанінсӧ [да попъясӧс] сӧстӧммӧдӧм бӧрын Аарон мед вайӧдас ловъя ай кӧзаӧс,

Левит 6:30

Оз позь сёйны мыжысь вись, кодлысь вирсӧ пыртӧны вежа чомйӧ мыж вештӧм могысь. Висьсӧ колӧ сотны биын».

Левит 4:30

Поп мед кӧтӧдас чуньсӧ вись вирнас да мавтас висьпуктанінлысь сюръяссӧ, а коляс вирсӧ мед кисьтас висьпуктанін улӧ.

Левит 3:8

Мед пуктылас кисӧ ыжлы юр вылас, а сэсся мед начкас сійӧс вежа чом пыранін дорын. Та бӧрын Ааронсянь чужысьяс мед вирнас резасны висьпуктанінсӧ быд боксянь.

Левит 3:2

Мед пуктылас кисӧ пемӧслы юр вылас, а сэсся мед начкас сійӧс вежа чом пыранін дорын. Та бӧрын попъяс, Ааронсянь чужысьяс, мед вирнас резасны висьпуктанінсӧ быд боксянь.

Левит 1:11

мед начкас сійӧс Господь водзын висьпуктанін войвывладорын. Попъяс, Ааронсянь чужысьяс, мед вирнас резасны висьпуктанінсӧ быд боксянь.

Левит 1:5

Сійӧ мед начкас ӧшсӧ Господь водзын. А попъяс, Ааронсянь чужысьяс, мед ваясны ӧшлысь вирсӧ да резасны вежа чом пыранін дорысь висьпуктанінсӧ быд боксянь.

Левит 4:25

Поп мед кӧтӧдас чуньсӧ вись вирнас да мавтас висьпуктанінлысь сюръяссӧ, а коляс вирсӧ мед кисьтас висьпуктанін улӧ.

Лыд 8:12

Левитъяс мед пуктыласны кинысӧ ӧшъяслы юр выланыс. Сэсся вай ӧшъясӧс Господьлы вись пыдди, ӧтисӧ – мыжысь вись пыдди, мӧдсӧ – сотан вись пыдди. Тадзи лоӧ вештӧма левитъяслысь мыжсӧ.