Левит 8:11 - Коми Библия 2023

¹¹ Висьпуктанінсӧ сизимысь резіс выйӧн, мавтыштіс сійӧс да став дозмук-кӧлуйсӧ, тшӧтш мыссян дозсӧ да сылысь коксӧ. Тадзи вежӧдіс найӧс.

Левит 8:11 Referans Kwoze

Титлы 3:6

Исус Кристос Мездысьным пыр Сійӧ лышкыда кисьтіс миян пытшкӧ Вежа Ловсӧ,

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Исай 52:15

Уна войтыр пондасны шензьыны Сы вылӧ, ӧксыяс тупкасны вомнысӧ Сы водзын, ӧд найӧ аддзасны сійӧ, мый йылысь налы эз висьтавлыны, тӧдмаласны сійӧ, мый йылысь найӧ эз кывлыны.

Петӧм 30:29

Вежӧд найӧс, и найӧ лоӧны вежасьыс-вежаӧсь. Ставыс, мый инмас наӧ, лоӧ вежа.

Петӧм 16:19

Мӧисей шуис: «Чукӧртӧмсьыныд асылӧдзыс нинӧм энӧ кольӧй».

Петӧм 16:14

Лысва косьмӧм бӧрас овтӧмин веркӧсӧ коли пуж кодь шыдӧс.

Петӧм 4:17

Босьт аслад киӧ [змейӧ пӧртлӧм] бедьтӧ. Сы отсӧгӧн тэ кутан вӧчны индысьпасъяс».

Петӧм 4:6

Господь нӧшта шуис сылы: «Сюй китӧ питшӧгад». Мӧисей сюйис кисӧ питшӧгас, а кор бӧр перйис, сылӧн киыс лои проказаысь лым кодь еджыд.

Петӧм 29:36

Мыж вештӧм могысь быд лун начкы ӧшкӧс. Вай сійӧс висьпуктанін вылын мыжысь вись пыдди. Тадзи сӧстӧммӧдан висьпуктанінсӧ. И вежӧдӧм могысь мавтышт сійӧс.

Петӧм 29:37

Сизим лун чӧж сӧстӧммӧд висьпуктанінсӧ да вежӧд сійӧс, и висьпуктаніныс лоӧ вежасьыс-вежа. Ставыс, мый инмас висьпуктанінӧ, лоӧ вежа».

Левит 4:6

Сэсся вирнас мед кӧтӧдас ассьыс чуньсӧ да сизимысь резыштас Господь водзын Вежаинын, Вежасьыс-вежаинлӧн дӧра водзын.

Левит 4:17

сэсся вирнас мед кӧтӧдас ассьыс чуньсӧ да сизимысь резыштас Господь водзын, Вежасьыс-вежаинлӧн дӧра водзын.

Левит 14:16

а веськыд кисьыс чуньсӧ выйнас кӧтӧдлӧмӧн сизимысь мед резас Господь водзын.